“Миний ах атаман”, “Зүрхний хилэн”, “Байтаг Богд” зэрэг киногоороо үзэгчдийг байлдан дагуулсан “Фантастик” продакшны уран бүтээлчид шинэ дэлгэцийн бүтээлээ үзэгчдэд толилуулахад бэлэн болжээ. Бүгд найрамдах Вьетнам улсын “NV film”-тэй хамтарсан “Хувь заяаны дуудлага” нэртэй кино тус улсын Хо Ши Мин хотод өчигдөр нээлтээ хийжээ. Уг кинонд Вьетнам жүжигчид тоглосон бол ерөнхий найруулагчаар Б.Тамир ажиллажээ.
Ангилал: Уртын дуу
Шашны нэрт зүтгэлтэн, халхын Зая гэгээний амьдрал, түүхээс сэдэвлэсэн “Зая гэгээнтэн” түүхэн дуулалт жүжиг энэ сарын 28-нд Улаанбаатар чуулгын тайзнаа тоглогдох юм. Эл бүтээлийн хөгжмийн зохиолчоор төрийн шагналт С.Соронзонболд, найруулагчаар “Цагаан лавай” чуулгын үүсгэн байгуулагч Д.Ганболд нар ажиллажээ. Жүжгийн зохиолыг Д.Нацагдоржийн нэрэмжит шагналт, зохиол, яруу найрагч П.Нямлхагва бичсэн бол түүхийн талаас нь судалсан соёлын гавьяат зүтгэлтэн Гочоогийн Жамц уг жүжгийг санаачилсан байна.
Түүх, соёлын хөдлөх дурсгалт зүйлийн тооллогын улсын комисс өнөөдөр 5 дах удаагийн хуралдаанаараа тооллогын ажлын явц, салбар комиссоос улсын комисст хандаж албан бичгээр гаргасан санал, хүсэлтийг хэлэлцэж, салбар комисст арга зүйн зөвлөмж зөвлөгөө өгч, хуралдаанаас гаргасан зарим шийдвэрийг хүргүүлж ажиллахаар боллоо.
Музейн нээлттэй өдрүүд зохион байгуулах тухай БСШУС-ын сайдын 2018 оны А/71 тушаалын дагуу өнгөрсөн оноос гуравдугаар сарын эхний долоон хоног олон нийтэд нээлттэй, Соёлын биет өвд тулгуурлан хүүхэд залуучуудад монгол ахуй, монгол өв соёлыг өвлүүлэх, эх оронч үзэл төлөвшүүлэх, нийгмийн хөгжилд музейн оруулах хувь нэмрийг нэмэгдүүлэх зорилгоор жил бүрийн гуравдугаар сарын эхний долоо хоногт “Музейн нээлттэй өдрүүд” арга хэмжээг зохион байгуулж эхэлсэн. Энэ жилийн тухайд “Музейн нээлттэй өдрүүд” арга хэмжээг 3 дугаар сарын эхний долоо хоногийн 1-3-ны өдрүүдэд өвлийн цагийн хуваарийн дагуу зохион байгуулах юм.
“Орчлон” сургуулиас уламжлал болгон зохион байгуулдаг “Эгшиглэнт Орчлон 2019” шүлгийн наадам 18 дахь жилдээ гурван үе шаттайгаар амжилттай болж өндөрлөлөө. Энэ удаагийн наадмын нэгдүгээр шатанд 3-5 дугаар ангийн 128, 6-8 дугаар ангийн 124, 9-12 дугаар ангийн 64 сурагч оролцож, хоёрдугаар шатанд нийт 151 сурагч шалгаран авьяас билиг, үгийн урнаар уралдав.
Өмнөд Солонгосын Засгийн газар “К-поп одод ижил төрхтэй” хэмээн шүүмжилж, хөгжмийн энэ салбарыг солонгоруулах зорилгоор ерөнхий чиглэл гаргасан ч шүтэн бишрэгчдийн зүгээс эсэргүүцэлтэй тулсан учир татаж авахад хүрчээ.
Ирэх гуравдугаар сарын 1-нд Монголын хэд хэдэн уран сайхны кино зэрэг нээлтээ хийхээр төлөвлөж байна. Олны анхаарлыг татаж буй киноны хувьд “Хувьсал” продакшны уран бүтээлчид хоёр хуваагдан тус тусын дэлгэцийн бүтээлээ үзэгчдэд хүргэх гэж буй явдал юм. Мөн Улиастайн 2000 цэргийн бослогын тухай өгүүлэх “2000” хэмээх түүхэн кино болон “Бүсгүйн зурвас” драмын жүжиг үзэгдийн дунд их хүлээлт үүсгээд байна. Ингээд ирэх сард нээлтээ хийх дэлгэцийн бүтээлүүдтэй танилцуулъя.
Ариана Грандегийн “7 Rings” дуу жагсаалтыг дөрөв дэх долоо хоногтоо тэргүүлж байгаа бол “Break Up With Your Girlfriend” дуу нь хоёрдугаарт, харин “Thank U, Next” дуу нь долдугаар байраас дээшилж гуравдугаарт оржээ. Эдгээр дуунууд нь түүний сүүлд гаргасан “Thank U, Next” цомогт нь багтсан дуунууд юм. Тус цомогт багтсан 12 дуу бүгд “Billboard”-ийн жагсаалтад багтаж байсан бөгөөд 40-р байрнаас огт буугаагүй гэнэ.
МУГЖ, дуучин Ж.Алтанцэцэг таван жилийн дараа “Хайр гэж” тоглолтоо гуравдугаар сарын 8-нд үзэгч, фэнүүдтэйгээ уулзахаар тун завгүй явна. Тэрбээр удахгүй болох гэж буй тоглолтынхоо хүрээнд фейсбүүк хуудасаар дамжуулан “Ж.Алтанцэцэгийн дууг хэн сайн дуулах вэ” уралдааныг үзэгч, сонсогч, фенүүдийнхээ дунд зарлажээ. Түүний “Сэрүүн зүүд шиг амьдрал”, “Чамайг хүнийх гэж бодсонгүй”, “Итгэл өгөөч наддаа”, “Мандах нар”, “Хайраа санана”, “Уйллаа шүү” зэрэг олон сайхан хит дуу бий. Уралдааны ялагчийг хамгийн олон шэйр, лайк авснаар нь тодруулж, “Хайр гэж” тоглолтын хос тасалбараар урамшуулах юм байна.
Монголын циркийн хөгжлийн төвийн жүжигчид энэ сарын 19-ны өдөр Испани улсын Жироно хотноо зохион байгуулсан Олон улсын циркчдийн тэмцээнээс алтан цом хүртжээ. Энэ сарын 14-нөөс 19-ны өдрүүдэд зохион байгуулсан “Festival Internacional del Circ Elephant d’Or” тэмцээнд дэлхийн 100 гаруй уран бүтээлчид оролцжээ.