Монголын Хөлбөмбөгийн Холбооноос 2014 оны 6 дугаар сарын 1-ний “Хүүхдийн баяр”-ын өдрийг “ХҮҮХЭД-ХӨЛБӨМБӨГ-ИРЭЭДҮЙ” хөтөлбөрийн хүрээнд “Хүүхдийн хөлбөмбөгийн баяр” болгон тэмдэглэн өнгөрөөх гэж байна. Энэ өдөр МХБХ-ны “Цэнгэлдэх Хүрээлэнд”-д хүрэлцэн ирсэн бага насны хүүхэд бүхэнд хөлбөмбөгийн анхан шатны арга техник болон олон төрлийн элемент, дасгал хөдөлгөөн хийж, анхны гоолоо хаалганд оруулж, хөлбөмбөгийн гайхамшиг, баяр баяслыг мэдрүүлэх болно.
Ангилал: Нийгэм
“Ах дүү Гримм”-ийн зохиолоос сэдэвлэн бүтээсэн “Анхны үнсэлт” мюзикл, МУСТА, Буриад улсын гавъяат жүжигчин Б.Амархүү, дуучин М.Сонор нарын гол дүрд нь тоглосоноор өнгөрсөн гуравдугаар сард нээлтээ хийж хүүхэд залуусыг байлдан дагуулсан билээ. Ийнхүү их хотын хүүхэд залуусыг байлдан дагуулсан “Анхны үнсэлт” мюзикл зургаадугаар сарын 1-нд буюу эх зрсийн баярын өдрөөр 19:00 цагаас “Залуучуудын соёлын төв”-д үзэгчдийн хүсэлтээр дахин тоглогдох нээ.
Төв аймгийн Бүрэн сумын Монголын хөтөл гэдэг газарт ном хэлбэртэй, арслантай суурь бүхий Дуун хөшөө сүндэрлэн бослоо. Тус хөшөөний нээлт 5 сарын 23-ны билэгт сайн өдөр болсон байна. Хөшөөнд Төрийн соёрхолт, Ардын уран зохиолч, Соёлын гавъяат зүтгэлтэн Дөнгөтийн Цоодолын шүлэг, Төрийн шагналт, Урлагийн гавъяат зүтгэлтэн Бямбасүрэнгийн Шаравын аялгуу “Нутгийн дуу”, яруу найрагч Найдансодын Энхбаатарын шүлэг, Хөгжмийн зохиолч Шатарын Өлзийбаярын аялгуу “Тэргүүн хамбын нутаг” дуунууд мөнхөрчээ. “Нутгийн дуу”-г Чингис хаан хамтлагийн ахлагч МУГЖ Д.Жаргалсайхан дуулж олны хүртээл болгож байсан бол “Тэргүүн хамбын нутаг” дууг МУСТА, дуучин А.Хосбаяр дуулжээ.
Хэдхэн хоногийн дараа хүүхдийн баяр болно. Баярынх нь өдрөөр хайртай үрсээ хэрхэн баярлуулах талаар ээж, аавууд бодож эхэлсэн нь лавтай. Баярын төлөвлөгөөгөө боловсруулж суугаа эцэг, эхчүүдэд нэгэн мэдээ дуулгая.
Монголын Залуучуудын Холбооны дэргэдэх Залуучуудын Хөдөлмөрийн Төв Бирж санаачлан Олон улсын хүүхдийн эрхийг хамгаалах өдрийг угтан хамтран ажилладаг ажил олгогч байгууллага, бүртгэлтэй байгаа ажил хайгчдын хүүхдүүд, “Манай гэр” асрамжийн газарт өсөн, хүмүүжиж байгаа бяцхан үрс болон хорих ангид ял эдэлж байгаа хоригдлуудын хүүхдүүдийг “Хөх хулганы орон” тоглоомын төвд үнэгүй тоглуулж бэлэг барьлаа. Тус үйл ажиллагааг “Их монгол жуулчин” ХХК, “Хөх хулганы орон” тоглоомын төв дэмжин хамтран ажилласан байна.
Монголын Залуучуудын Холбоо 2014 оныг “Нэгдье” уриан дор бүхий л үйл ажиллагаагаа зохион байгуулж байгаа юм. Энэ хүрээнд нийслэл болоод орон нутаг дахь залуучуудын салбар холбоодоо идэвхижүүлэх, үйл ажиллагааг нь тогтворжуулах, харилцан хамтарч ажиллах, олон үйл ажиллагааг нийслэл болоод орон нутагт зохион байгуулж байгаа юм.
Нийслэлийн “Улаанбаатар чуулга”, Монголын үндэсний хөгжим, хөгжимчдийн холбоо хамтран эхийн алдрыг мөнхрүүлэх зорилго бүхий “Монголын үзэсгэлэнт саран гоо” тоглолтыг тавдугаар сарын 30-нд 19.00 цагт Нийслэлийн “Улаанбаатар чуулга”-ын их танхимд зохион байгуулах нь ээ.
Амьд хөгжмийн “Playtime” наадам энэ жил 13 дахь удаагаа “нүргэлнэ”. Наадам уламжлал ёсоор Гачууртын “Монгол шилтгээн” цогцолборын задгай талбайд долдугаар сарын 19, 20-нд болох юм. Наадмын эргэн тойрон дахь сэтгэл хөдөлгөсөн мэдээ гэвэл анх удаа болон шинээр цомог гаргаж байгаа хамтлагууд шинэ бүтээлээ “Playtime” наадмын тайзнаа тоглож, тэсрэлт хийхээр болжээ.
Тэртээх 25 жилийн өмнө Ардчилсан хувьсгалыг цуурайтуулж байсан “Хонхны дуу” дахин амьдаар эгшиглэх болжээ. Энэ дууг амьдруулж, монголчуудын цээжинд хоногшуулж байсан хамтлаг бол “Хонх”. “Хонхны дуу”-гаас гадна “Бидний араншин”,” Үүлэн чөлөөний нар”, “Хотын гудамж”, “Алтан хавчаар”, “Рашаантын 18”, “Албан тасалгааны цонхоор” зэрэг олон дуугаар Монголын урлагт нэгэн шинэ өнгө нэмж байсан “Хонх” хамтлагийн 25 жилийн ой энэ онд тохиож байна. Анх 1989 онд С.Цогтсайхан, Н.Энхбаяр, Д.Энхболд нарын бүрэлдэхүүнтэй байгуулагдаж, есдүгээр сарын 17-нд анхны концертоо Улсын филармонийн тайзан дээр тоглож байснаас хойш эдүгээ 25 жил өнгөрчээ.
Нийслэлийн Засаг даргын тамгын газар
06 дугаар сарын 01-нд 1100-1600 цагийн хооронд “ХҮҮХДИЙН БАЯР” арга хэмжээ Чингис хааны нэрэмжит талбайд зохион байгуулна.