Эх орныхоо нэрийг дэлхийн тайзнаа олонтоо дуурсгаж яваа ДБЭТ-ын гоцлол дуучин, гавьяат жүжигчин С.Мөнгөнцэцэг “Angel of music” бие даасан тоглолтоо өнөөдөр АСА циркт 19:00 цагаас үзэгч түмнээ толилуулах гэж байна. Тэрбээр тоглолтын хөтөлбөртөө сонгодог дуурийн ари, романсуудаас багтаасан байна. Тоглолтод гавьяат жүжигчин Э.Амартүвшин, Армян улсын тенор Ованес Айвазян, “Хурд” хамтлаг оролцох бөгөөд хөгжмийг Италийн удирдаач Роберто Салвалаио удирдах юм байна.
Ангилал: Уртын дуу
ҮДБЭЧ-ын уран бүтээлийн сэдэв, төрөл, найруулга зүй байнга шинэчлэгдэж, үзэгч-сонсогчдын гоо сайхны таашаал хүлээсээр байгааг батлах нэгэн бүтээл урын санд нь нэмэгдэв. Энэ бол 2012 оны ээлжит уран бүтээл “Салхины дууль” концерт юм. “Салхины дууль” концерт ын уран сайхны шийдэлд чуулгын дэд захирал, найруулагч Н.Болд “Хүннү Гүрэн” түүхэн сэдвийг сонгон авчээ. Үндэсний яриан жүжиг, дуурь, балет, кино зэрэг тайз дэлгэцийн урлагт байвал зохих том сэдвийг концертын цуваа үзүүлбэрт шингээж, үзэгч-сонсогчдод толилуулна гэдэг тус чуулгын хамт олонд ахадсан алхам, санаанд үл багтам зорилт байж болно. Талархууштай нь тэд зорилгодоо хүрч, зорилтоо биелүүлэв. Ямар эрэл хайгуул хийж, аргазүй баримталж ийм амжилт оловоо! Бидний бодлоор, нэг талаас, урлагийн илэрхийлэх дүрслэх баялаг хэл, уран дүрийн ид шид, нөгөө талаас, шинжлэх ухааны нотолгоо баталгааг эш үндэс болгосон бололтой. Шинэ бүтээл дээр ажилласан уран бүтээлийн баг хоёр зүйлийн эрэлд гарчээ. Нэгдүгээрт Хүннү судлалаар мэргэшсэн эрдэмтдийн бичсэн бүтээл, түүх шаштир, сурвалж бичиг олж судлахаар, хоёрдугаарт шинэ бүтээлийнхээ төрөл зүйлийг сонгож билиг авъяас, ур чадвараа сорихоор шийджээ.
МУ-ын Ерөнхийлөгчийн Тамгын газрын санхүүжилтээр Дуурь бүжгийн эрдмийн театрынхан даралтат, модон үлээвэр, гуулин үлээвэр, цохиур гэсэн төрлийн 367 мянга 608 ам.долларын үнэ бүхий 45 шинэ хөгжмийн дагалдах хэрэгслийг хүлээн авлаа.
Монголын залуусыг байлдан дагуулсаар өнгөрсөн жил 15 нас хүрсэн “Ice Top” хамтлагийнхан ирэх хоёрдугаар сарын 12-нд “UB Palace”-ын концертын их танхимд 19.00 цагаас “Нөхөрлөл мандтугай” нэртэй бие даасан тоглолтоо хийхээр болжээ. Монголын хип, хоп хамтлагуудын анхдагчдын нэг “Ice Top” хамтлаг энэ жил 16 нас хүрч эрийн цээнд хүрснээ зарлан анх байгуулагдсан бүрэлдэхүүнээсээ өнөөдөр байх бололцоотой бүх гишүүдээ энэ тоглолтдоо оролцуулж байгаа гэнэ. Мөн тэдний тоглолтод ирсэн үзэгчдэд шоу ертөнцийг өөрөөр харуулах болно гэдгээ амлаад байгаа юм.
Улсын драмын эрдмийн театрт Виктор Хюгогийн “Парисын Дарь эхийн сүм” сонгодог мюзикл драм Гэгээн хайрын өдөр, Валентины баярт зориулан өнөөдөр ганцхан удаа тоглох гэж байна. Францын алдарт зохиолч Виктор Хюго 1831 онд тэрлэн бичсэн “Парисын эх дагины сүм” хэмээх энэхүү алдарт бүтээл нь агуу хайр дурлалын мөнхийн дуулал болон өнөөдөр ч өөрийн үнэ цэнийг алдаагүй юм.
Нэгэн үе залуусыг байлдан дагуулж байсан “Digital “ хамтлагийн бүхий л дуу нь сонсогчдын дунд хит болж байсан үе саяхан. Харин тус хамтлаг нь уран бүтээлээсээ түр завсарлаж фэнүүдээ гонсойлгож байсан ч олон сайхан дуунууд нь хүн бүхэнд ямарваа нэгэн дурсамжийг нь хадгалж байдаг болохоор одоо ч гэсэн бидний сэтгэлд тодхон байдаг нь гайхалтай.
Монголын хип хопын ууган хамтлагуудын нэг “Dijital” хамтлагынхан үнэнч шүтэн бишрэгчид, фэнүүддээ зориулан энэ сарын 14-нд буюу гэгээн хайрын баярын өдрөөд “Зүрхрүү” хэмээх нэртэй бие даасан тоглолтоо UB паласын концертийн их танхимд тоглохоор болжээ. Тус тоглолтонд хамтлагийнхаа 14 жилийн турш хийсэн уран бүтээлүүдээс сонсогчдынхоо сайн мэдэх шилдэг 20 уран бүтээлээ хүргэх гэнэ.
Морин хуурын чуулгынхан “Гайхамшигт ардын дуу” нэртэй тоглолтоо энэ сарын 6, 7-нд Улсын филармоны тайзнаа хийх гэж байна. Чуулгынхны хувьд уг тоглолт нь энэ оны анхных бөгөөд Үндэсний цагаан сарын өмнө болж буй гэдгээрээ онцлог юм.
“A sound” хамтлагийн гэгээн хайрын өдөр дурлалт хосуудад зориулан “Forever 247” тоглолтоо хийх гэж байна. Тус тоглолт ирэх сарын 14-нд “SS club”-т 20.00 цагт болно
Энэ сарын 12-нд “UB Palace”-ын концертын их танхимд “Ice Top” хамтлаг тоглолтоо хийхээр болжээ. Монголын хип, хоп хамтлагуудын анхдагчдын нэг “Ice Top” хамтлаг энэ жил 16 нас хүрч байгаа юм.