Хятад улсын Шинзэн хотноо зохиогдсон 41 удаагийн “Miss tourism international-2014” тэмцээнд манай улсын мисс амжилттай оролцлоо.
Нийгэмд манлайлагч эмэгтэйчүүдийг дэмжих зорилготой “Ариун гоо”, “Үжин” нийгэмлэгийн ажлын нэгээхэн хэсэг Монголын хацар гоо охидыг дэмжиж дэлхийн олон улсын шинж чанартай уралдаан тэмцээн, загварын шоунд оруулахыг зорьдог билээ. Үүний дагуу Ninedots агентлагийн загвар өмсөгч, мисс Анужинг сонгон “Miss tourism international-2014” тэмцээнд оролцуулсан байна.
Их Британи улсын нийслэл Лондон хотноо зохиогдож буй “Дэлхийн мисс 2014” тэмцээний “Social media awards” буюу онлайн санал асуулга өчигдөр албан ёсоор хаагдаж эх орноо төлөөлөн оролцож байгаа мисс Т.Батцэцэг хоёрдугаар байранд шалгарлаа.
Нижигнэсэн алга ташилт, зэрийтэл дүүрэн үзэгчид, джазз хөгжмийн хэмнэлд өрнөсөн БИ тоглолт. Дуучин Насаа “БИ… гэдэг үгний цаана намайг илэрхийлэх маш олон зүйл бий. Энэ үдэш би монголын орчин үеийн хөгжмийн урлагт уран бүтээлч болон бэлтгэгдсэнээ хойш ямар уран бүтээлч болсоноо харуулах хариуцлагатай бөгөөд нэр хүндтэй үүргийг үзэгчдийнхээ өмнө хүлээж байна хэмээн тоглолтынхоо өмнөхөн ярьж байсан.
МУСТА, жүжигчин Б.Амарсайхан “Netflix”-ын бүтээсэн “MARCO POLO” хэмээх олон ангит, түүхэн кинонд тоглох гол дүрийн жүжигчдийн нэгээр шалгаран, Аригбөхийн дүрийг бүтээж, Холливудын кинонд тоглосон анхны Монгол жүжигчин болсон талаархи баярт мэдээ бидний сонорыг мялаасан цаг саяхан. Тэгвэл чадварлаг жүжигчин маань ирэх арванхоёрдугаар сарын 2-нд Нью Йоркийн алдарт 1998 Broadway-д орших “AMC Loews” театрт болох “MARCO POLO” киноны албан ёсны нээлтийн үйл ажиллагаанд оролцох урилга хүлээн авч, улаан хивснээ дэлхийн ододтой мөр зэрэгцэн алхахаар Холливудыг зорилоо.
Филиппин улсад “Miss Earth 2014” тэмцээн энэ өдрүүдэд үргэлжилж байна. Тус тэмцээнд И.Төгсөө оролцож байгаа билээ. Тэрээр “Мисс коктель дресс” төрөлд хоёрдугаар байрт орсон байна. Тэмцээний сүүлийн шалгаруулалт энэ сарын 29-нд болно.
Сэтгүүлч, зохиолч, найруулагч Д.Төрмөнх “Нохойн орон”, “Талын хот”-оороо Монголын түүхэнд төдийгүй дэлхийн киноны түүхэнд нэг хуудас нэмсэн билээ. Тэрээр Олон улсын кино наадмаас 23 шагнал авсан ч Монголдоо бол СТА ч болоогүй. “Бодлын хулгайч” киноны зохиолоороо Монголын “Academy awards”-ын шагнал хүртсэн билээ.
Азийн загварын ертөнцийн шилдгүүдийг тодруулах “Fashion Asia Awards” БНХАУ-ын Чунчинь болжээ. Энэ жилийн загварын наадамд Ази тивийн 14 орны хувцас загварын мэргэжилтнүүд загвар зохион бүтээгч, загвар өмсөгч, гэрэл зурагчин, стилист зэрэг нийт 13 төрөлд шилдгүүдээ тодруулсан байна.
БСНУ-д болсон “K-Pop world festival-д” Дэлхийн наадамд Монгол улсаа төлөөлөн оролцсон 18 настай Б.Очирбат 3-р байр эзлэн “Best Performance” шагнал хүртлээ. Жил бүр болдог тус тэмцээнийг Өмнөд Солонгос улсын Гадаад хэргийн яамнаас зохион байгуулдаг байна.
“Цаасан шувуу”, “Ээжийн бүүвэйн дуу” зэрэг дууг намуухан, эвлэгхэн хоолойгоор дуулах жаахан охиныг монголчууд мартаагүй. Тэр бол дуучин Монгол Улсын гавьяат жүжигчин Д.Оюунтүлхүүр. Монголд төдийгүй арлын Японд уянгалаг хоолойгоороо сүмогийн аваргуудаас ч дутахааргүй танигдсан билээ. Хэдийгээр сүүлийн хэдэн жил Монголын үзэгч, сонсогчидтойгоо уран бүтээлээрээ уулзаагүй ч 11 сарын 1,2-нд бие даасан тоглолтоо өргөн барисан юм.
Дууны, дуурийн орон Оросын хязгаар нутаг, Буриадын Агинск хотод болсон дуурийн гоцлооч, жүжигчин, найруулагч, багш, ЗХУ-ын Ардын жүжигчин, Монгол туургатны бахархалт уран бүтээлч Лхасран Линховоины нэрэмжит дуурийн дуу дуулаачдын олон улсын XI уралдаан боллоо. Уг уралдаанд УДБЭТ-аас таван дуучин оролцсон бөгөөд УДБЭТ-ын дуучин Самбуугийн Батчимэг түрүүлсэн байна. Лхасран Линховоины нэрэмжит олон улсын уралдаанд нийт 70 дуучин оролцсон бөгөөд С.Батчимэг ийнхүү авъяас, ур чадвараараа ялгарч, тэргүүн байрыг эзэлсэн байна.
