“Лондон 2012” зуны 30 дугаар олимпийн жүдо бөхийн эрэгтэйчүүдийн 73 кг-ийн жинд барилдаж, хүрэл медалийн эзэн болсон Монгол Улсын тамирчин, олон улсын хэмжээний мастер Сайнжаргалын Ням-Очирт Монгол Улсын Ерөнхийлөгч Цахиагийн Элбэгдорж баяр хүргэв.
Лондонгийн олимпийн анхны медалийг авчирсан энэхүү тэмцээнийг Ерөнхийлөгч Ц.Элбэгдорж Лондон дахь ExCel цогцолборт үзэж, тамирчдаа сэтгэл санаагаар дэмжсэн билээ.
Лондонгийн зуны XXX олимпийн наадмын боксын эрэгтэйчүүдийн 52 кг-ын жинд эх орноо төлөөлж буй дэлхийн аваргын мөнгөн медальт, Монгол Улсын Гавьяат тамирчин Н.Төгсцогт дөнгөж сая олимпийн рингэнд эхний тулаанаа хийж, ялалт байгууллаа. Сугалаа ёсоор Азербайжаны тамирчин Элвин Мамишзадатай учраа таарсан тэрбээр өрсөлдөгчөө 18-11 (4-5, 7-3, 7-3) харьцаатай буулган авлаа. Тэрбээр дараагийн тулаанаа наймдугаар сарын 3-нд Бээжингийн олимпийн хүрэл медальт, 2007 оны дэлхийн аваргын хүрэл, Европын аваргын хошой хүрэл медальт, Италийн боксчин Винченко Пикардигийн эсрэг хийх юм.
Зуны ХХХ олимпийн нийслэл Лондон хотноо бадамласан олимпийн бамбар унтарсан байна. ”Р-СПОРТ” агентлагийн мэдээлснээр Нээлтийн ажиллагаа болсон цэнгэлдэхийн голд байрласан Олимпийн бамбарыг шилжүүлэн байрлуулахтай холбогдуулан түр унтраах шаардлага гарсан байна.
Жүдо бөхийн 73 кг-ийн жинд хэсгийн аваргын төлөө барилдсан манай жүдоч ОУХМ С.Ням-Очир өрсөлдөгч болох ОХУ-ын шилдэг жүдоч Мансур Исаевт цэвэр ялагдлаа.
Лондоны олимпийн жүдо бөхийн төрлийн эрэгтэйчүүдийн 73 кг-ийн жингийн тэмцээнд манай улсыг төлөөлөн ОУХМ С.Ням-Очир дөнгөж сая барилдлаа.
Тэрбээр Германы жүдоч Кристофер Воелктэй барилдаж вазари, юко үнэлгээгээр ялалт байгууллаа.
Лондонгийн Олимпын наадамд Буудлага спортын төрөлд эх орноо төлөөлөн оролцсон ОУХМ Н.Баяраа эрэгтэйчүүдийн хийн урт бууны 10 метрийн дасгалд өрсөлдөж, 23 дугаар байрт бичигдлээ. Тэрбээр урьдчилсан дасгалд 593 /100, 96, 99, 100, 98, 100/ оноо авснаар нийт 47 тамирчнаас 23 дугаарт эрэмбэлэгдэв.
Улсын дуурь, бүжгийн эрдмийн театр өнгөрсөн долдугаар сарын 1-нд А.Аданы “Жизель” балетаар 49 дэхь улирлын хаалтаа хийсэн. Тэгвэл ирэх аравдугаар сард Оросын алдарт “Евгенийн Онегин” дууриар 50 дахь улирлын нээлтээ хийх гэнэ. Мэдээж “Евгений Онегин” дуурьд дуурийн урлагийн шилдгүүд тоглох гэнэ.
ОУХМ Бямбаагийн Түвшинбат эхний тойрогтоо Габоны Митоумбатай таарсан. Өрсөлдөгчийнх нь талаар бүх Африкийн тэмцээнээр олимпын эрхийн болзол хангаснаас бусдаар том тэмцээнээс медаль бараг хүртэж байгаагүй.
Манай боксчин эхний раундад 5:1, хоёрдугаар үед 11:2 шийдвэрлэх үед нийт 17:-өөр илт давуу ялалт байгуулсан юм. Хоёрдугаар тойрогтоо Францын Алексис Вастин, Германы Патрик Войцески нарын аль ялсантай тоглох байсан. Германы боксчинтой өмнө нь Б.Түвшинбат “Химийн цом” олон улсын тэмцээнд таарч 9:6-аар ялагдаж байсан.
Лондоны олимпод өрсөлдөх манай баг тамирчдын хуваарь
“Монголиа, Монголиа” гэсэн уухайн дуунд Лондоны олимпийн эрэгтэйчүүдийн боксын 69 кг-ийн жинд Б.Түвшинбат Габоны боксчин Янник Митумба Мбемийг илт илүүрхэн, гайхалтай ялалт байгууллаа. Хүн төрөлхтний эв нэгдлийн их баяр цэнгэл зуны XXX олимпийн наадамд манай ширэн бээлийтнүүдийн салхийг хагалан тулалдсан ОУХМ Б.Түвшинбат эхний раундад 5:1 онооны харьцаагаар илүүрхсэн юм. Улмаар хоёрдугаар раундад 11:2 оноотой, гуравдугаар раундад 17:4 оноотойгоор рингийг эзэгнэсэн юм.
