Манай жүдоч Х.Цагаанбаатар дэвжээний эзэн бөхөд юко үнэлгээ алдаж ялагдлаа.
Өмнөх тойрогт Тайванийн бөхийг ялсан манай тамирчин энэ тойрогтоо Их Британийн жүдоч Колин Оатестай таараад байсан юм.
Хэдийгээр өмнө нь ялж байсан тамирчин боловч энэ удаа харамсалтай нь Х.Цагаанбаатар тааруухан барилдаан үзүүллээ.
Ийнхүү жүдо бөхийн төрөлд гол найдвар хүлээгээд байсан тамирчин маань олимпийг орхиж байна.
Xүн төрлөхтний эв нэгдлийн бэлэгдэл зуны олимпийн XXX наадам энэ өдрүүдэд тохиож байна. Энэ удаагийн олимпод Монгол улсаа төлөөлж 29 тамирчин спортын долоон төрөлд оролцож байна. Тэдний араас Монгол хүн бүр дээлийнх нь захыг мушгин суугаа билээ. Энэ цаг мөчид монголчууд бидний бахархал болсон, үе үеийн олимпийн наадмын тэнгэрт төрийн далбаагаа мандуулж, төрийн дууллаа эгшиглүүлж явсан олимпийн медальтнууд баатруудаа толилуулж байна. Монгол улс 1964 оноос олимпийн наадамд оролцож эхэлсэнээс хойш чөлөөт бөх, бокс, буудлага, жүдо бөхийн төрлүүдээр хоёр алт, долоон мөнгө, 10 хүрэл медаль хүртээд байна. Тэд монголын нэрийг дэлхийд өргөж явсан, өргөж яваа, өргөсөөр ч явах болно. Дэлхийд алдар суугаа гайхуулсан монголын тамирчдын гайхамшиг үргэлжилсээр…
Монгол түмэн Лондоны олимпийн жүдогийн тэмцээн болж байгаа цэнгэлдэх хүрээлэнд уухай түрэн чуулсан байв. Эх нутагтаа зурагтаар үзэж байгаа монголчуудын хувьд камерын эсрэг талд төрийнхөө алтан соёмбот далбаагаа намируулан зогсох залуу их хань болж байлаа. Гэсэн ч медаль авна гэж хүлээж байсан жүдогийнхон маань тэмцээнээ азгүй байдлаар үргэлжлүүлэв.
“Лондон-2012” зуны олимпийн байт харвааны эрэгтэйчүүдийн чансаа тогтоох харваа дөнгөж сая өндөрлөлөө.
Нийт 64 харваач тус бүр 72 сум тавьснаас энэ төрөлд манай улсыг төлөөлж оролцож буй ОУХМ Жанцангийн Гантөгс 669 оноо авч 19-р байрт эрэмбэлэгдлээ.
Английн найруулагч Дэнни Бойл олимпийн наадмын нээлтийн ёслолыг хүлээн суугаа дэлхийн сая сая үзэгчдэд чухам ямар бэлэг барихаар зэхсэн нь өнөөдөр дэлхий нийтэд ил болно. 27 сая фунт стерлингийн төсөвтэй батлагдсан “Лондон-2012” зуны XXX олимпийн наадмын нээлтийн ёслол орон нутгийн цагаар 21.00 цагт эхлэх юм. Энэ нь Монголын цагаар бямба гаригийн үүрээр 04.00 цагт тохиож байна. “Гайхамшгийн арал” хэмээн нэрлээд буй олимпийн нээлтийн ёслол зохион байгуулагч орныг илтгэх чухал арга хэмжээ. Тиймдээ ч мандан бадарч буй их гүрний үед нар жаргадаггүй байсан гэх Их Британичууд өөрсдийн өв уламжлал, өвөрмөц байдлыг илтгэх бүхнийг олимпийн нээлтдээ багтаахыг зорьжээ. Тэдгээрийн дунд цэрэг эрсээс эхлээд үхэр, хонь, ямаа, бүр тахиа, галуу ч багтаж буй. Түүнчлэн өвс ногоо тэгширсэн ногоон талд крикет тоглож байгаа үзэгдэл, Английн алдарт усан тээрэм болоод Их Британи гүрний бүрэлдэхүүнд багтах дөрвөн улсыг илэрхийлэх цэцэг, туузаар чимэглэсэн дөрвөн багана мөн нээлтийн нэгээхэн хэсэг болжээ.
Испанийн “El Mundo” агентлагийн нийтлэлийг орчуулан хүргэж байна. Лондоны Олимп эхлэхэд ердөө гурван хоног үлдлээ. Иймээс Лондоны Олимпийг зохион байгуулах хорооны дарга лорд Себастян Коугийн ажил улам л ундарч байна.
Олимпийн аварга асан тэрбээр “Бүх зүйл графикийн дагуу явагдаж байна. Шийдэгдээгүй гэх асуудлууд нь томоохон үйл явдлын өмнө болдог энгийн л санаа зовоох зүйл” хэмээн мэдэгдэж байгаа юм.
АНУ-ын Невада мужийн Рино хотын оршин суугч 22 настай Вероника Ротенхослер өдгөө өрсөлдөгчдийнхөө зүрхэнд айдас хуруулах болсон тул “Зүрх зүсэгч” гэдэг хочтой болжээ. Тэрээр ММА буюу эмэгтэйчүүдийн дүрэмгүй тулааны урлагт бахдам амжилт гаргаж байгаа юм.
Монгол Улсын Гавъяат Тамирчин, Мэргэжлийн боксчин Ч.Цэвээнпүрэв өөрийн эх орондоо WBO холбооны аваргын төлөө Филиппин улсын боксчин Марк Жил Мэлигэнтэй 12 үе өрсөлдөх гэрээг Дэлхийн мэргэжлийн боксын шилдэг холбоо WBO-World Boxing Organization- тай байгуулаад байна.
Японы мэргэжлийн сумо бөхийн долдугаар сарын Нагоя башё өчигдөр өндөрлөлөө.
Сүүлийн өдрийн барилдаанд манай бөх Харүмофүжи Их аварга Хакүхо М.Даваажаргалтай учраа тааран барилдаж, ёрикири мэхээр давсан юм. Ингэснээр озэки Харүмофүжи Д.Бямбадорж дээд зиндаанд гурав дахь удаагаа түрүүллээ.
Баянхонгор аймгийн “Бага олимп” энэ жил хоёр дахь удаагаа зохион байгуулагдах гэж байна. Анх 2008 онд “Бээжин 2008” зуны XIX олимпийн өмнө зохион байгуулагдаж байсан хүүхдийн спортын энэ наадам энэ жил Баянхонгор аймагт зохион байгуулагдах гэж байна. Уг наадам ирэх сарын 10-12-ны хооронд явагдахаар товлогджээ. Хүүхдийн “Бага олимп”-од Баянхонгор аймгийн 19 сум, 8 багийн тамирчид спортын 11 төрлөөр өрсөлдөнө. Одоогийн байдлаар 756 тамирчин оролцохоор албан ёсоор бүртгүүлээд байна.
