Ангилал: Одод

Дуучин О.Анхбаяр, Б.Ха­лиун нарыг Монголын урла­гийн сайхан хосуудын нэг гэдэгтэй маргах хүн үгүй. “Киви”-гийн гоо охи­доос хамгийн сайхныг нь “сугалж”, эхнэрээ болгон урвуулсан дуучин Анхаа гэргийгээ хайр, халамжаар дутаадаггүй гэлцдэг. Тэр­бээр сайхан гэргийдээ цаг үргэлж гэнэтийн бэлэг барих тухай боддог гэнэ.

Хамгийн сүүлд л гэхэд дуучин залуу гэргийдээ 2012 оны цоо шинэ загварын Ниссан Жуке маркийн машин бэлэглэжээ. Тэрбээр энэ машиныг Японд явж байхдаа сонирхож, үнийг нь судалсан аж. Тиймээс баяр наадмын өмнө хүслээ гүйцээж, үзэсгэлэнт гэр­гийдээ цоо шинэ машины түлхүүр атгуулсан байна.

Жүжигчин И.Одончимэг өнөр өтгөн гэр бүлтэй болсон. Шуугиантай болох тэдний хурим ирэх сард болно. Хуримын үеэр жүжигчин бүсгүй хуримын цаагаан даашинзаар гоёх бол ээлжит гэнэтийн бэлгээ Бархүүгээс авчээ. Тэрээр эхнэрээ нярайлах үед нь хагас тэрбум төгрөгийн үнэтэй хаус захиалсан бөгөөд хуримын дараа шинэ хаустаа орохоор завгүй байгаа гэнэ. Харин хуримын даашинзыг “Шилмэл загвар”-ын динайзнерууд урлаж байгаа аж.

Дэлхийн мисс 2012 тэмцээнд оролцож байгаа Х.Баярмаа багаасаа урлагийн гэр бүлд өссөн учир сонгосон мэргэжилдээ хайртай гэнэ. Сайхан аав, ээжийн хайранд өссөн тэрээр өөрийгөө хамгийн азтай охин гэж боддог аж. Тэрээр ээж, аавынхаа байгуулсан “Шилдэг өнгө” продакшныг өргөжүүлэн театр байгуулах мөрөөдөлтэй аж. Мөн жүжигчний мэргэжлээ хэзээ ч орхихгүй бөгөөд Монголын анхны Холливудын жүжигчин болохыг хүсдэг гэнэ. Одоогоор тэмцээний сүүлийн шатанд бэлдээд завгүй байгаа мисс бүсгүй зав, зайгаар нь гэрийнхэнтэйгээ холбоо барьж урмын үгээр цэнэглэгддэг аж.

Жүжигчин Г.Золбоотын эхнэр н.Мөнхтуяа гэх эмэгтэй Дундговь аймгийн музейгээс ХIII зууны үеийн баатрын хөө хуягийг аваад “алга болгочихсон” гээд эргүүлж өгөлгүй зургаан жил болжээ.

Анх 2006 онд ХVIII зууны үеийн доторгүй хоёр дээл болон XIII-XVIII зууны үеийн баатрын бусад эдлэл хэрэглэлийг авсан бөгөөд дээрхи түүхэн эд өлгийн зүйлс алга болсныг 2007 онд музейн тооллогоор мэдсэн ажээ. Ингээд эргүүлэн авах гэтэл н.Мөнхтуяа хэнэгч үгүй алга болгочихсон гээд буцааж өгөөгүй нэг ёсондоо голруулчихсан байна.

“Хар санаа ба хайр сэтгэл”, “Надад өгөөгүй хайр”, “Зүүдний үргэлжлэл” зэрэг кино, жүжгийн дуугаараа олонд танигдсан залуу уран бүтээлч Ц.Хулан бие даасан хоёр дахь жааз дууны цомгоо гаргахаар бэлтгэж буй аж. 2005 онд “My World” нэртэй анхны цомгоо гаргаснаас хойш тэрбээр хэсэг хугацаанд нам гүм байсан билээ.

Харин өдгөө “My World-2” нэртэй түүний хоёр дахь цомгийн ажил нь 40 хувьтай явж байгаа төдийгүй ирэх аравдугаар сард сонсогчдын хүртээл болох гэнэ. Үүнээс гадна дуучин бүсгүй монгол дуунуудаа ч цомог болгохоор зорьж, хүмүүсийн сонсох дуртай кино, жүжгийн бүтээлүүдийг багтаах ажээ.

АНУ-д амьдарч байгаа дуучин Э.Минжинсор олимпийн баяраа тэмдэглэж байна. Тэрээр монголын тамирчид олимпийн наадамд таван медаль хүртсэнд баярлаж байгаа бөгөөд найз нөхөд, элэг нэгтнүүдтэйгээ баярлаж, эх орноороо бахархаж байгаа аж.

Аавынхаа авьяасыг өвлөсөн бяцхан хүү эрийн цээнд хүрчээ. Дуучин Баярын хүү дуучин Б.Хонгор өнөөдөр хуримлана. Би сайн дуучны хүү гэхээсээ өөрийн сурч боловсроход илүү анхаарсан тэрбээр “MCS” группын харьяа “Skyresort” цанийн баазын захирал н.Батсуурийн охин Б.Анартай хуримлах гэж байна.

Дуучин Б.Хонгор цэцэрлэгийн бяцхан хүү байхаасаа урлагийн тайзтай хувь заяагаа холбосон нэгэн. Тэрбээр Эрх зүйч мэргэжилтэй бөгөөд Хятад хэлийг сайн эзэмшсэн нь бусад дуучдаас ялгарах тал бий. Түүний сүйт бүсгүй Б.Анарын хувьд гадаадад бизнесийн удирдлагаар өндөр боловсрол эзэмшсэн, даруухан бүсгүй байдаг аж.

Үргэлж содон, өвөрмөц төрхөөр ялгарч байдаг дуучин Ану энэ удаад алтлаг гоёлоо дэлгэлээ. Тэрбээр саяхан өөрийн фейсбүүк хуудсандаа “Торго” салоны бүтээсэн үндэсний хэв маяг бүхий алтлаг даашинзтай зургаа нийтэлжээ. Анугийн энэхүү төрхийг “Six photo” студийн гэрэл зурагчид Богд хааны ордон музейд авсан гэнэ.

Төв Цэнгэлдэх хүрээлэнгийн хажууханд байрлах Рапид харшийн урд талд байрлах таун хаусууд өөрийн эрхгүй хүн

бүрийн харааг булааж хорхойг хөдөлгөдөг. Эдгээр хаусанд ямар гээч мөнгөний хүүдийнүүд нь амьдардаг бол гэх сонирхол хүн бүрт бий. Тэгвэл “Гурван гал”-ын захирлаас эхлээд бизнесийнхэн цөөнгүй төдийгүй манай урлагийнханд ч хөлс шингэсэн хөдөлмөрийнхөө үр шимийг мэдрэн тэнд тансагхан амьдардаг гэнэ шүү. “Х ТҮЦ” хамтлагийн ахлагч Н.Онон энэхүү хаусанд үр хүүхдээ өсгөсөн шигээ суудаг аж. Гол нь энэ таун хаус багаар бодоход 1,2 тэрбум төгрөгийн үнэтэй гэж дуулдсан.

Элэглэгч Ж.Булган-Эрдэнэ, Т.Анхбаяр, Б.Нямхүү нарын хамтран байгуулсан “Пароди” хамтлаг ирэх сард анхны бие даасан тоглолтоо үзэгчдэд толилуулахаар болжээ. Уг тоглолтод УИХ-ын гишүүн Э.Бат-Үүл, “Камертон” хамтлагийн дуучин Д.Болд, дуучин Ноён Бондгор, “Хип хоп” холбооны тэргүүн Баавар зэрэг олон олны танил хүмүүсийг дууриан элэглэх аж. Мөн жүжигчин Ж.Булган-Эрдэнэ хоёр ч эмэгтэй дуучныг элэглэх аж.