ТВ5 телевизээс зохион байгуулж үзэгчдэд хүрсэн “Ододтой бүжиглэе” шоу дахин эхэллээ. Урлаг, спортоор олонд танигдаж, уран бүтээл, амжилтаараа аль хэдийнээ үзэгчдийн талархалыг хүлээсэн хүмүүс энэхүү шоунд оролцож бүжиг хэмээх гайхалтай урлагаар ширүүхэн өрсөлддөгөөрөө онцлогтой. Энэ удаагийн шоунд хэн оролцож, хэрхэн бүжиглэж, үзэгчдийг догдлуулахаар дуучин Нара, Соко, “DOZ” энтертаймэнтийн жүжигчин А.Мөнгөнзул, “Synс” хамтлагийн дуучин Амараа, “Мөрөөдлийн театр”-ийн жүжигчин Батуушка, “Outlaw” хамтлагийн дуучин Чинзо, Буудлагын спортын тамирчин ОУХМ Ц.Хонгорзул, “EXTACY” хамтлагийн дуучин Э.Хонгорзул нар оролцоно. Хөтлөгчөөр өмнөх наадмын ялагч, жүжигчин Э.Ууганбаяр ажиллана.
Ангилал: Оддын амьдрал
“Гурван охин” хамтлагийнхан дуучин Д.Болдтой хамтран ажиллаж байна. Хамтлагийн үзэсгэлэнт гишүүн Г.Анхмаа өнгөрсөн хавар нярайлж бяцхан охинтой болсон билээ. Түүнээс үүдэн “Гурван охин”-ы уран бүтээл түр завсарлаад байсан юм.
Тэгвэл залуу ээж уран бүтээлийнхээ ажилд ханцуй шамлан орсон гэнэ. Тэрбээр ажилдаа орохоосоо өмнө бяцхан гүнжтэйгээ цуг Сингапурт амарч эрч хүчээр дүүрэн иржээ. Одоогоор “Гурван охин” хамтлаг шинэ цомгийн ажил ид өрнөж байгаа сурагтай.
Сумоч Батбаярын эхнэр болсноос хойш бараг тайзан дээр гараагүй дуучин бүсгүй маань өнгөрсөн сонгуулиар Ховд
аймагт очин нөхрийнхөө сурталчилгааг хийжээ. Тэдний сурталчилгаа тун өвөрмөц байсан гэнэ. Уулзалтыг Батбаяр нээж, харин хаалтыг нь түүний эхнэр дуучин Баясгалан хийдэг байжээ. Гавьяат дуучин маань Ховдынхонд “Манай нөхрийг заавал сонгоно шүү. Баруун гарын баталгаа, зүүн гарын зөвлөгөө, за таслая таслая хэмээн ам авдаг гэнэ. Бас болоогүй хэрвээ манай нөхрийг сонгохгүй бол миний хөх хавдана шүү. Нэгэнт та нар манай нөхрийг сонгоно гээд надад баталчихсан учраас заавал сонгоорой.
Нэгэн цагт монголын рок попын ертөнцөд өөрийн орон зайг тунхаглаад байсан “Sweetymotion” хамтлаг алсын АНУ-г зорьсноор хэсэг завсарлага авсан билээ. Тэгвэл тэд өнгөрсөн оноос эх орондоо суурьшихаар шийдсэн бөгөөд уран бүтээлийнхээ ажилд ханцуй шамалжээ. Тодруулбал, “Ганц шөнө байгаагүй” хэмээх шинэ уран бүтээлийнхээ клипны ажилд орсон бөгөөд “ACE” энтертайнментаар хийлгэж байгаа гэнэ.
“Гурван охин” хамтлагийн дуучин Г.Анхмаа саяхан охинтойгоо Сингапурт амраад иржээ. Тэрбээр өөрийн фейсбүүк хуудаснаа Сингапурт авхуулсан шинэ зургуудаа оруулсан байна. Г.Анхмаа олон жил үерхсэн жүжигчин Т.Билэгжаргалтай нэг гэрт орсон бөгөөд хосууд өнгөрсөн дөрөвдүгээр сард охинтой болж бүл нэмсэн билээ.
UBS телевизээс уламжлал болгон зохион байгуулагддаг “Universe Best Songs-2012” наадмаас төрөн гарсан амьд хөгжмийн “Солонго” хамтлаг дуучин Б.Амархүүтэй хамтарч уран бүтээл туурвихаар болжээ. Тухайлбал, тэд хамтарч орос дуунаас бүтсэн цомог гаргахаар төлөвлөжээ. Түүнчлэн тус хамтлагийн гишүүн Х.Оюунсүрэн UBS телевизийн шинэ уран бүтээл болох нэгэн кинонд дүр бүтээж байгаа аж. Дашрамд дурьдахад, хэдийгээр тус наадмын Гранпри шагналын эзэн болж чадаагүй ч шилдэг 25-д багтсан тус хамтлагийн охидод үзэгчид тун ам сайтай байдаг юм билээ.
Намрын билэгт сайн өдрүүд тохиож, найр наадмын цаг эхэлсэнтэй холбоотойгоор Гэрлэх ёслолын ордон залуу хосуудын хөлд дарагдах боллоо. Энэ сард Хуримын ордонд 300 орчим залуу хос гэрлэлтээ батлуулахаар бүртгүүлсэн байна. Тэр дундаас энэ жилийг сонгон гэрлэхээр болсон олны танил хосуудыг багцлан хүргэе.
“Мотив” хамтлагийн хоёр дахь цомгийн нээлт ирэх сарын эхээр болно. “Цасан бороо ” цомогт 11 шинэ уран бүтээл багтаж байгаа ажээ. Залуус ирэх сараас өмнө гурван дуу клипжүүлэхээр тун завгүй ажиллаж байна. Цомогт багтсан “Эрч хүч” дууны клип бэлэн болсон төдийгүй тун удахгүй сонсогчдод хүрэх аж. Мөн аравдугаар сарын эхээр БНСУ, АНУ-д аялан тоглолт хийхээр төлөвлөж байгаа юм байна.
“Sweetymotion”-ыхон “Номин талст”-тай хамтран дуулахаар болжээ. Учир нь тус хоёр хамтлаг энэ жил 15 нас хүрч байгаа бөгөөд ирэх сарын 29, 30-нд болох “Номин талст 15 жил” тоглолт дээр ийнхүү хамтран дуулахаар болжээ.
Жазз дуучин Ц.Хулан бие даасан хоёр дахь цомгоо гаргахаар зэхэж байна. 2005 онд “My World” нэртэй анхны цомгоо гаргаснаас хойш тэрбээр хэсэг хугацаанд нам гүм байсан билээ. Харин өдгөө “My World-2” нэртэй түүний хоёр дахь цомгийн ажил нь 40 хувьтай байгаа, ирэх аравдугаар сард сонсогчдын хүртээл болох гэнэ. Үүнээс гадна дуучин бүсгүй монгол дуунуудаа ч цомог болгохоор зорьж байгаа ба “Хар санаа ба хайр сэтгэл”, “Надад өгөөгүй хайр”, “Зүүдний үргэлжлэл” зэрэг хүмүүсийн сонсох дуртай кино, жүжгийн бүтээлүүдээ багтааж байгаа гэнэ.