Олон улсын шилдэг эрэгтэй загвар өмсөгч шалгаруулах "Manhunt international" тэмцээнд эх орноо төлөөлөн оролцож, бидний эчнээ танил болсон загвар өмсөгч Б.Билгүйтэй Тайландын дуучин Namcha-гийн клипэнд тогложээ.
Тайландын алдарт дуучин Namcha-гийн "Yark jab therr pleoi" буюу "Чамайг нүцгэлмээр байна" дууны клипэнд тоглох саналыг Тайландын "Аttitude" сэтгүүлийн зүгээс ирүүлсэн байна. Ийнхүү тэрээр Тайландын Pong агентлагийн загвар өмсөгч залуучуудын хамтаар бүсгүйчүүдийн сэтгэлийг гижигдсэн халуухан клипэнд тоглосон нь энэ.
Чамайг нүцгэлмээр байна; дууны клип өчигдөрөөс эхлэн youtube хуудаснаа байршсан бөгөөд нэг өдрийн дотор 50,000 гаруй хүн үзэж сонирхжээ.
www.URLAG.mn
