“Хувьсал” продакшны жүжигчин А.Ганчимэгийн найз залуу болох Б.Энхтүвшин эх орондоо ирсэн даруйдаа богино хугацаанд нэрээ таниулж эхэллээ. Тэрээр Зэрлэг цэцэгсийн хүлэмж”, “Зүүдэнд ч оромгүй явдал” зэрэг киноны дүрээрээ үзэгч олны танил болоод байгаа юм. Бага байхдаа гавьяат жүжигчин С.Жавхлангийн дуулсан “Миний найз”, “Алсад суугаа ээж” дууны клипэнд тоглож байсан авъяаслаг залуу билээ.
Б.Энхтүвшин саяхны нэгэн ярилцлагадаа найз охин А.Ганчимэгийнхээ тухай ярихдаа “Манай хүн хэлье гэснээ хэлчихдэг шударга зантай. Бас элдэв маяггүй, хэнтэй ч чөлөөтэй харилцдаг зан чанар, их эгдүүтэй байдал нь намайг татсан байх. Гэр бүлийн амьдрал зохиох талаар төлөвлөсөн зүйл бий. Тун удахгүй хуримаа хийх байх шүү” хэмээжээ. Ийнхүү жүжигчин хосуудын үерхэлд сэтгэл хангалуун байдаг олон хүмүүсийг баярлуулах өдөр удахгүй ирэх бололтой.
Сонирхуулахад жүжигчин Б.Энхтүвшин ирэх оны хоёрдугаар сард Солонгосын “KBS” телевизийн урилгын дагуу тус улсыг зорихоор болсон гэнэ.
www.URLAG.mn
