Эршүүд гүдэсхэн зан, хээгүй яриагаараа олны хайр талархлыг хүлээж, тэр хэмжээгээрээ мундаг жүжигчин гэдгээ таниулаад байгаа уран бүтээлч бол Б.Навчаа. Тэрбээр, хэнээс ч айж эмээхгүйгээр тэмцэж энэ өндөрлөгт хүрсэн гэдгээ үргэлж ярьж, хэзээ ч хувийн амьдралаа нууж яваагүй.
Амьдралд нухлагдаж бүдэрч явахдаа “Хэцүү анги” олон ангит уран сайхны киног санаачлан өөрөө найруулж, хахир хатуу захирлын дүрийг бүтээснээрээ урлагт босч ирсэн гэдэг Б.Навчаа өдгөө кино урлагт од болон гялалцаж яваа билээ. Тэрээр “Ларьдма” хэмээх содон нэртэй эрчүүдийн дарангуйлал, гэр бүлийн хүчирхийллийн тухай өгүүлсэн энэ киног өөрийнхөө амьдралаас сэдэвлэж хийсэн гэдэг. Тиймээс жүжигчин бүсгүйг нөхөртөө зодуулж, гэр бүлийн хүчирхийлэл гэгчийг яс махандаа тултал мэдэрснээр эцэстээ салж, охиндоо хойд эцгийн гар харуулахгүйн тулд өдийг хүртэл ганцаараа яваа гэдэг нь үнэний ортой бололтой хэмээн хэвлэлээр шуугиан дэгдээд байсан. Гэхдээ л өөрийнхөө амьдралыг илэн далангуй дэлгэн харуулах ийм зориг, хүсэл хэн бүхэнд байдаггүй. Харин Б.Навчаагийн хувьд гомдохын дээдээр гомдож, өширхөж явдаг нөхрөөсөө эл киногоороо дамжуулан хариугаа авахыг хүссэн гэсэн шум яригдаж байсан.
Түүнчлэн өөрийн цахим хуудаснаа экс нөхөртөө хандаж “Жаргалсайханы Угтахбаяр гуай чи намайг элдвээр доромжлоод яахав дээ. Чамайг арчаагүй, архичин, гэр бүлээ тэжээх чадваргүй, муу дээрээ тулсан гэдэг шиг байнга зоддог хүчирхийлэгч байсан болохоор салахгүй яахав дээ. Монгол Улсын шүүх салгаад өгсөн юм. Шүүхийн шийдвэрийг дага. Чи надад хамаагүй хүн. Бүү мэдрэл зан гарга. Нэг бол сэтгэцийн эмнэлэгтээ очиж хэвт. Чамд эрүүл саруул ухаан алга. Нэг бол гэрт орж хулгай хийнэ. Машины цонх хагална. Чи юу гээчийн адгуус вэ. Холдоод зайлаад өг” хэмээн бичиж нөхрөө өөрийг нь дарамталдаг байсан гэдгийг баталж байсан.
Тэгвэл энэ бүхнийг тэвчиж чадаагүй түүний экс нөхөр энэ талаар factnews.mn сайтад ярилцлага өгчээ. Энэхүү ярилцлагадаа Навчаа болон өөрийн хадмуудын талаархи ярилцжээ. Өөрийнгөө хүчирхийлэгч хүмүүсийн яриад байгаа шиг дарангуйлагч Навчаагийн ярьсан шиг тийм муу хүн биш хэмээсэн юм.
Харин Навчаатай гэр бүл байхдаа гар хүрч байсан нь үнэн гэнэ. Үүнийгээ тайлбарлахдаа хүн зүгээр байж байхад би гар хүрч үзээгүй ялангуяа эмэгтэй хүнд. Хэрвээ Навчаагаас өөр эмэгтэй хүнд Угтахбаяр гэдэг хүн гар хүрсэн бол би Монголоос бүр мөсөн явъя хэмээсэн юм. Ямар ч эр хүн гүндүүгүй саруул ухаанаар аливаад хандах хэрэгтэй гэж боддог. Би түргэн ууртай гээд хүнд, тэр тусмаа эмэгтэй хүнд гар хүрнэ гэдэг утгагүй асуудал. Тэр бол хүчирхийлэл…
Ямартай ч хэн нь үнэн, хэн нь худал ярьж байгааг бид энэ ярилцлага, тэрхүү ам дамжсан яриаг сонсоод мэдэхгүй гагцхүү тэд өөрсдөө л мэдэх биз ээ.
Эх сурвалж: dorgio.mn
