Blue moon арт галерейгаас уран бүтээлчдийг дэмжих, тэдний идэвхийг нэмэгдүүлэх, урлагаар дамжуулж хүмүүсийн гоо сайханы таашаалыг хөгжүүлэх, Монголын дүрслэх уран бүтээлчдийг дэлхий нийтэд таниулах, шинэ залуу авьяаслаг уран бүтээлчдийг дэмжих зорилгын хүрээнд энэ жилээс дүрслэх урлагийн төрлүүдээр төрөлжүүлэн уран бүтээлийн үзэсгэлэнгүүдийг зохион байгуулж байгаа билээ. Энэ удаагийн цуврал үзэсгэлэн маань 5 дахь удаагийн үзэсгэлэн нийт уран бүтээлчдийн дунд “ГРАФИК ЗУРАГ ба ДИЖИТАЛ АРТ” нэртэйгээр зохион байгуулагдаж байна.
Үзэсгэлэнгийн нээлтийн үеэр галерейн удирдах зөвлөлөөс нийт уран бүтээлээс 5 бүтээлийг нэр дэвшүүлж нээлтэнд хүрэлцэн ирсэн мэргэжлийн уран бүтээлчдээс санал авч шилдэг бүтээлийг шалгаруулах бөгөөд шалгарсан бүтээлийн уран бүтээлчид Blue moon арт галерейн гүшүүн болох эрх болон 2014 онд бие даасан үзэсгэлэнгээ гаргах эрх, үнэ бүхий зүйлээр шагнах болно.
Энэ нь цаашдаа манай галерейн зүгээс зохион байгуулах “Дүрслэх урлагийн тэргүүн дээд шилдэг уран бүтээл”-үүдийг шалгаруулах арга хэмжээ зохион явуулах, мөн тогтмол ажиллагаатай мэргэжлийн дуудлага худалдаатай болох үйл ажиллагааны бэлтгэл ажил юм. “ГРАФИК ЗУРАГ ба ДИЖИТАЛ АРТ” нэртэй уран бүтээлчдийн нэгдсэн үзсэгэлэнд графикийн олон төрлийн техникээр бүтээгдсэн 80 гаруй дэлгэгдлээ.
Уран бүтээлчиддээ уран бүтээлийн өндөр амжилт хүсэн ерөөе.
Нээлт: 2013 оны 12 сарын 13-ны 17:00 цагт болно. Та бүхнийг хүрэлцэн ирэхийг урьж байна.
Уг үзэсгэлэн 2013 оны 12-р сарын 13-23 хооронд “Blue moon” арт галерейн үзэсгэлэнгийн танхимд үргэлжлэх бөгөөд дэлгэрэнгүй мэдээллийг 89806021, 88773410 дугаарын утсаар лавлана уу.
www.URLAG.mn
