Монголын рок, попынхны дунд хамгийн олон хит дуутай хүн гэвэл поп хатагтай МУГЖ Б.Сарантуяа гэдэгтэй хэн ч маргашгүй юм. Үргэлж мөнхийн эрэлттэй байдаг Монголын супер од бүсгүй хавар өөрийн төрсөн өдрөөрөө фэнүүддээ зориулж тоглолт хийдэг уламжлалтай болсон билээ.
Тэгвэл энэ хэвшлээ эвдэхээр шийдэн зориуд Шинэ жилийн баярын өмнөхөн амьд хөгжимтэй бие даасан тоглолтоо хийхээр төлөвлөжээ.Түүнд зориулж бүтээсэн хөгжмийн зохиолч Г.Энхбаярын /Хоовон/ ая, Төрийн шагналт яруу найрагч П.Пүрэвсүрэнгийн шүлэг “Шинэ жилийн шөнө сайхан аа”, УГЗ Л.Балхжавын зохиосон “Цагаан шөнө” зэрэг бүтээлүүд Монголын ард түмний сэтгэлд мөнхөрсөн дуу болон эгшиглэсэн билээ. Энэ хоёр дуунаас гадна поп хатагтайд өвөл, шинэ онтой холбоотой хэд хэдэн гоё дуу урын санд нь байгаа тул үүнийгээ нэгэн бүхэл тоглолт болгон үзэгч, фэнүүдтэйгээ учрахыг хүсч байгаагаа хүмүүстэй уулзахдаа хуваалцсанд найзууд нь дэмжсэн гэнэ.
Шинэ жил дөхөхөөр урилга, заллага, элдэв гуйлт, халтууран дунд өдөр хоногийг давчуухан өнгөрүүлдэг Б.Сарантуяа халтуурнаас залхах биш харин ч хамгийн гоё бэлгийг хүмүүст барихаар сэтгэл шулууджээ.
Эх сурвалж: "Маш нууц"
