67 дахь удаагийн Грэммийн шагнал гардуулах ёслол АНУ-ын Лос-Анжелес хотод ирэх оны хоёрдугаар сарын 2-нд болно. Уг шагналд нэр дэвшигчдийг ирэх сарын 8-нд албан ёсоор зарлах юм. Грэммийн шагналд өрсөлдөхөөр нэрээ өгсөн уран бүтээлчдийг тодруулах эхний санал асуулга маргааш өндөрлөнө.
Манай улсаас хүннү рок урсгалаар дэлхийд танигдсан “The Hu” хамтлагийнхан 2023 онд Английн Гластонберигийн хөгжмийн наадамд толилуулсан “Upright destined Mongol” буюу “Босоо заяат Монгол” тоглолтоо Грэммийн дэлхийн шилдэг хөгжмийн үзүүлбэр төрөлд нэр дэвшүүлэхээр хүсэлтээ өгчээ.
Тэдний өрсөлдөж буй төрөлд 456 хамтлаг, дуучин уран бүтээлээрээ нэр дэвших хүсэлтээ өгөөд буй аж. Эхний шалгаруулалтыг давбал хоёрдугаар шатанд өрсөлдөх эрхтэй болох бөгөөд эцсийн шалгаруулалт арванхоёрдугаар сарын 12-ноос нэгдүгээр сарын 3-ныг хүртэл үргэлжлээд, ялагчийг хоёрдугаар сарын 2-нд зарлах аж.
