“Gotham awards” шагнал гардуулах ёслол өнгөрсөн мягмар гарагт АНУ-ын Нью-Йорк хотод болж өндөрлөлөө. Индепендент төрлийн кинонуудад буюу томоохон кино компани, студи, продакшнаас хараат бус уран бүтээлчдийн бүтээлүүдийг өрсөлдүүлж олгодгоороо эл шагнал онцлог.
Өнөө жилийн “Gotham awards”-ын шилдэг киногоор “A different man”, шилдэг гол дүрийн жүжигчнээр Колман Доминго (“Sing sing”), шилдэг туслах дүрийн жүжигчнээр Кларенс Маслин (“Sing sing”), шилдэг найруулагчаар Рамелл Росс (“Nickel boys”), шилдэг олон улсын киногоор “All we imagine as light”, шилдэг баримтат киногоор “No other land”, шилдэг шинэ залуу найруулагчаар Вера Дрю (“The people’s Joker”), шилдэг шинэ залуу жүжигчнээр Брэндон Уилсон (“Nickel boys”) тус тус тодорчээ.
Түүнчлэн наадмын хүндэтгэлийн шагналыг найруулагч Денни Вилленьёв, жүжигчин Тимоти Шаламе, Зендеяа, Анжелина Жоли нарт гардуулсан байна.
Тус арга хэмжээний улаан хивсний ёслолын зургаас сонирхуулья.
Jessica Chastain 
Nicole Kidman 
