82 дахь удаагийн “Алтан бөмбөрцөг” шагнал гардуулах ёслол ирэх оны нэгдүгээр сарын 5-нд болно. Тэгвэл өчигдөр /2024.12.09/ албан ёсоор зарлалаа. Тус наадмыг CBS телевиз болон “Paramount+” платформоор АНУ-аас гадна дэлхийн 185 улс оронд шууд дамжуулахаар болсон байна.
Телевиз болон дэлгэцийн шилдэг уран бүтээлүүдийг шалгаруулдаг “Алтан бөмбөрцөг” наадмыг 1944 оноос хойш өнөөг хүртэл зохион байгуулж буй бөгөөд Америкийн телевиз, кино урлагийн салбар, энтертайнмент ертөнцийн томоохон арга хэмжээнүүдийн нэгд зүй ёсоор тооцогддог юм.
Энэ удаагийн “Алтан бөмбөрцөг” шагнал гардуулах ёслолын үйл ажиллагааг “Dick clark productions” зохион байгуулж, Гленн Вайсс, Рики Киршнер нар шууд дамжуулалтын гүйцэтгэх продюсероор ажиллахаар болжээ.
Өнөө жилийн “Алтан бөмбөрцөг” наадмын гол шагналуудад нэр дэвшигчдийг танилцуулья.
Шилдэг уран сайхны кино – драм:
- The Brutalist
- A Complete Unknown
- Conclave
- Dune: Part Two
- Nickel Boys
- September 5
Шилдэг уран сайхны кино – мюзикл, инээдэм:
- Anora
- Challengers
- Emilia Pérez
- A Real Pain
- The Substance
- Wicked
Шилдэг уран сайхны кино – анимейшн:
- Flow
- Inside Out 2
- Memoir of a Snail
- Moana 2
- Wallace & Gromit: Vengeance Most Fowl
- The Wild Robot
Шилдэг эмэгтэй жүжигчин:
- Памела Андерсон (The Last Showgirl)
- Анжелина Жоли (Maria)
- Николь Кидман (Babygirl)
- Тильда Свинтон (The Room Next Door)
- Фернанда Торрес (I’m Still Here)
- Кэйт Уинслет (Lee)
Шилдэг эрэгтэй жүжигчин:
- Эдриен Броди (The Brutalist)
- Тимоти Шаламе (A Complete Unknown)
- Дэниел Крейг (Queer)
- Колман Доминго (Sing Sing)
- Ральф Файнс (Conclave)
- Себастьян Стэн (The Apprentice)
Шилдэг телевизийн цуврал – драм:
- The Day of the Jackal (Peacock)
- The Diplomat (Netflix)
- Mr. & Mrs. Smith (Prime Video)
- Shōgun (FX/Hulu)
- Slow Horses (Apple TV+)
- Squid Game (Netflix)
Шилдэг телевизийн цуврал – мюзикл, инээдэм:
- Abbott Elementary (ABC)
- The Bear (FX/Hulu)
- The Gentlemen (Netflix)
- Hacks (HBO | Max)
- Nobody Wants This (Netflix)
- Only Murders in the Building (Hulu)
Сонирхуулахад, дуучин Селена Гомезын гол дүрд нь тоглосон “Emilia Pérez” кино хамгийн олон буюу 10 төрөлд нэр дэвшсэн уран сайхны киногоор тодорсон бол “The Bear” цуврал хамгийн олон буюу таван төрөлд нэр дэвшсэн телевизийн цувралаар тодорсон байна. Түүнчлэн “Netflix” платформ уран сайхны киноны 13 төрөлд, телевизийн бүтээлийн 23 төрөлд нэр дэвшсэнээрээ кино, телевизийн хамгийн олон төрөлд бүтээлүүд нь өрсөлдөж байгаа кино компаниар тодорчээ.
