Монголын Зохиолчдын эвлэл 1929 оны нэгдүгээр сарын 9-ны өдөр үүсгэн байгуулагдсан билээ. Өдгөө 85 дахь жилийнхээ ойтой золгож байна. Монголын Зохиолчдын эвлэл өнгөрсөн хугацаанд оюун санааны томоохон өв болсон сэхээтнүүдийг салбараасаа төрүүлэн гаргасан юм. Үүнээс гадна ардчилал хүний эрхийг тунхаглан зарлахад энэ салбар ихээхэн үүрэг гүйцтгэсэн гэж албаны хүмүүс хэллээ. МЗЭ 85 жилийнхээ ойг угтаж уран зохиолын төрөлжсөн номын дэлгүүрийг нээхээс гадна гэрэл зургийн үзэсгэлэн нээж , вэб сайтаа шинэчлэн орчин үеийн уран зохиолын шаардлагад нийцүүлэн ажиллуулж эхлэх юм байна.
Түүнчлэн эрдэм шинжилгээний хурал болон үндэсний уран зохиолын сэтгүүлийн эхний дугаарыг гаргаж, уншигчдын дунд теле уулзалт зохин байгуулж, эхний дугаарыг нь үзэгчиддээ хүргэх зэрэг арга хэмжээг зохион байгуулахаар төлөвлөж байгаа аж. Мөн “Болор цом” яруу найргийн 30 дахь удаагийн наадмыг АУЗ Дэндэвийн Пүрэвдоржийн төрсөн нутаг болох Өвөрхангай аймгийн Хархорин хотод энэ сарын 25-26-ны өдөр зохион байгуулахаар төлөвлөөд байгааг Монголын Зохиолчдын эвлэлийн төлөөлөгчид мэдээллээ.
