Америкийн “Disney” студи энэ онд дэлхийн кинотеатруудаас таван тэрбум ам.долларын /дотоодын кинотеатруудаас хоёр тэрбум, гадаадын кинотеатруудаас гурван тэрбум/ орлого олсон цорын ганц компани болжээ.
Энэ онд “Disney” кино студи АНУ-ын дотоодын кинотеатруудаас олсон орлогоороо дээд амжилт тогтоож, таван киног дэлгэцнээ гаргаснаас гурав нь хамгийн их ашиг олсон кино болжээ.
Тодруулбал, “Inside out-2”, “Марвел”-ын супер баатрууд болох “Deadpool and Wolverine”, “Moana-2” хүүхэлдэйн кинонууд юм.
Кино найруулагч Келси Маннын бүтээсэн “Inside out-2” хүүхэлдэй кино нь түүхэн дэх хамгийн их орлого олсон хүүхэлдэйн кино болжээ. Уг кино дэлхий даяар 1.46 тэрбум ам.доллар, АНУ-д 652.9 сая ам.долларын орлого олсон байна.
Харин “Deadpool and Wolverine” нь дэлхийн кинотеатруудын дэлгэцнээ гарснаас хойш сар хүрэхгүй хугацаанд дэлхийн кинотеатруудаас нэг тэрбум гаруй ам.долларын орлого олсноор түүхэн дэх хамгийн өндөр ашиг олсон R үнэлгээтэй кино болов.
“Moana-2” хүүхэлдэйн кино Америкийн зах зээлээс 342 сая ам.долларын орлогыг “Disney” компанид авчирчээ.
