АНУ-ын жүжигчин, найруулагч, дуучин Брэдли Чарльз Купер өнөөдөр 50 нас хүрч байна. Тэрбээр 1975 оны нэгдүгээр сарын 5-нд АНУ-ын Пенсильвани мужийн Филадельфи хотод мэндэлжээ. “Грэмми”-гийн шагналын эзэн, “BAFTA” буюу Их Британийн кино академийн шагналт тэрбээр “Оскар”-т 12 удаа, “Алтан бөмрбөг” наадамд зургаан удаа, “Тони” шагналд нэг удаа тус тус нэр дэвшиж байв. Өнөөдрийг хүртэл тэрбээр 70 гаруй дэлгэцийн уран бүтээлд тогложээ.
