Монгол Улсын Засгийн газрын тухай хуулийн 24 дүгээр зүйлийн хоёр дахь хэсэг, Соёлын тухай хуулийн 21 дүгээр зүйлийн 21.1.11 дэх заалт, “Алсын хараа-2050” Монгол Улсын урт хугацааны хөгжлийн бодлогын 1.2.1 дэх заалтыг үндэслэн Мэргэжлийн урлагийн ууган байгууллага Улсын драмын эрдмийн театр болон Монгол Улсын үндэсний урлагийн их театр хамтран “Шинэ замд-2025” сургалт, арга зүйн зөвлөгөөнийг зохион байгуулж байна.
Энэхүү “сургалт, арга зүйн зөвлөгөөн нь төв, орон нутгийн мэргэжлийн урлагийн байгууллагуудын дарга, захирал, уран сайхны удирдагч, найруулагч, мэргэжлийн багш нарт мэргэжил, арга зүйн зөвлөгөө өгөх, уран бүтээлийн чанарыг сайжруулах, уран бүтээлчдийн мэргэжлийн ур чадварыг дээшлүүлэх, суурь нөхцлийг бүрдүүлэх зорилготой.
Тус сургалт, арга зүйн зөвлөгөөнд Монгол Улсын 21 аймгийн театр, чуулгуудын дарга, захирал, уран сайхны удирдагч, найруулагч, мэргэжлийн багш нарыг хамруулан УДЭТ, ҮУИТ-ын мэргэжлийн уран бүтээлчид, сургагч багш нар 2025 оны энэ сарын 26-30-ныг дуустал нийт тав хоногийн хугацаанд “Бүжиг дэглэлт, бүжиг”, “Хөгжмийн найруулга, хөрвүүлэг, хөгжмийн зохиолын үндэс”, “Найруулагчийн ажиллагаа, уран сайхны бодлого”, “Байгууллагын стратеги төлөвлөгөө, менежмент, маркетинг” зэрэг дөрвөн багц сэдвийн хүрээнд зохион байгуулж буй юм байна.
