Монголын орчин үеийн хөгжмийн урлагт поп дива хэмээн өргөмжлөгдсөн дуучин гарын таван хуруунд багтах цөөхөн бий. Тэдний нэг нь дуучин Sally буюу С.Сэрчмаа. Өөрийн дүр төрх, өвөрмөц дуу хоолойгоороо ялгарч чадсан түүнийг сонсогчид нь “Хайрын дууч” хэмээн нэрлэх нь ч бий. Дуулсан хайрын дуу бүхэн нь хит болдог эл бүсгүй хөгжмийн ертөнцөд 20 гаруй жил гялалзаж буй. Тэгвэл дуучин С.Сэрчмаа “Хайртай шүү, ээж ээ” баярын тоглолт хийхээр болжээ. Уг тоглолт ирэх гуравдугаар сарын 6-нд “UB palace”-ын концертын их танхимд болно. Тоглолтын тасалбарыг “UB palace”-ын билетийн касс болон ticket.mn вебсайтаас авах боломжтой. Ташрамд сонирхуулахад, дуучин С.Сэрчмаа өнгөрсөн хугацаанд “Ганцхан чинийх”, “Sally”, “Sally-2”, “Хайраасаа асууя”, “Making me crazy”, “Цагаан Сүүний Домог” зэрэг цомог гаргасан байдаг.Түүнчлэн өнгөрсөн наймдугаар сард “Үүрд минийх гэж амлаач”, “Sally & хийл”, “Цаг”, “Хаа ч цуг”, “Чи санаж байна уу”, “Эрх саран”, “Хайрын нулимс”, “Надад итгээч хайрт минь”, “Чиний бодолд би байгаасай”, “Чи минь ирнэ” зэрэг 10 дуутай пянзыг өөрийн зохиосон “Үүрд минийх гэж амлаач” дуугаараа нэрлэн гаргасан юм.
