УДБЭТ-ын уран бүтээлчид өнгөрсөн амралтын өдрүүдэд Ж.Вердийн “Травиата” дуурийг толилууллаа. Энэ удаа гурван бүлэг, дөрвөн үзэгдэлт эл дуурийн гол дүр буюу Виоллеттад УДБЭТ-ын гоцлол дуучин Г.Энхнаран дуулсан юм.
Г.Энхнаран нь 2006-2011 онд СУИС-ийг Ардын жүжигчин А.Долгорын удирдлагад дуурийн дуулаач мэргэжлээр суралцан төгсжээ. Үргэлжлүүлэн 2011-2017 онд ОХУ-ын Москва хотын Гнесины нэрэмжит Урлагийн академийг дүүргэсэн байна. 2018 оноос УДБЭТ-т ажиллаж буй тэрбээр өнгөрсөн хугацаанд Ж.Пуччинийн “Богема” дуурийн Мюзетта, Ж.Россинийн “Севилийн үсчин” дуурийн Берта, И.Штраусын “Сарьсан багваахай” дуурийн Адель, Ида, В.А.Моцартын “Увидаст лимбэ” дуурийн Шөнийн хатан, Папагена, А.Бородины “Игорь ван” дуурийн Полов хүүхэн, Л.Мөрдоржийн “Хөхөө Намжил” дуурийн Уянга, Б.Шаравын “Чингис хаан” дуурийн Сочигил, Д.Лувсаншаравын “Шивээ Хиагт” дуурийн Гэрэл зэрэг дэлхийн сонгодог болон үндэсний 10 гаруй дуурийн гол болон туслах дүрүүдийг мэргэжлийн өндөр түвшинд чадварлагаар бүтээжээ.
https://www.facebook.com/share/r/18omaaXiNx/
