Соёлын Гавьяат Зүтгэлтэн, Монголын Урчуудын Эвлэлийн нэрэмжит шагналт зураач Д.Гунгаа, Монголын Урчуудын Эвлэлийн нэрэмжит шагналт барималч А. Өлзийбаатар, М. Баярмагнай, Д.Халиун нарын хамтарсан "Дөрвөн бэрх" хэмээх үзэсгэлэнгээр Монголын Урчуудын Эвлэлийн Хороо шинэхэн засагдсан үзэсгэлэнгийн танхимаа нээж байна.
"Дөрвөн бэрх" хэмээн нэрэлсэн учир нь дээрх дөрвөн зураач маань дүрслэх урлагийн "дөрвөн бэрх" шиг өөр өөр хэв маяг, ур аргыг хослуулсанд юм. Д.Гунгаа гуйан орон зай, түүхэн он цагийг нэг хавтгай дээр тэнцэтгэсэн гайхамшигт график ажилууд, Д.Халиуны үзэгдэх ертөнцийн өнгө будаг, гэрэл сүүдрээр дэгэлсэн тоглолт бүхий бүтээлүүд уг үзэсгэлэнд зэрэгцэн орших болно. Мөн М. Баярмагнайн зүүд, зөн, байгаль эх, амь амьдралын шүтэлцээг монгол зургийн аргаар илэрхийлсэн нь А.Өлзийбаатарын барьмал, сийлбэрээр биеийг олон амилсан мэт санагдана.
Өөр өөр цаг үе, дэг сургуулиар дадлагшсан эдгээр дөрвөн хүний бүтээлийн үзэгдэх янз нь ондоо мэт боловч өгүүлэх түүх нь харин "дөрвөн бэрх" адил уялдаатай байх болно.
Үзэсгэлэн 2014.02.14-ний өдөрөөс 2014.02.24-ний өдрийг хүртэл МУЭ-ийн үзэсгэлэнгийн танхимд үргэлжилнэ.
Үзэсгэлэнгийн талаарх дэлгэрэнгүй мэдээлэлийг 11-327474 утсаар лавлана уу
www.URLAG.mn
