Дэлхийн инфлюнсер DJ Soda, “Way back home” дууны эзэн, Өмнөд Солонгосын алдарт дуучин, DJ Shaun нар 2025 оны гуравдугаар сарын 15-нд “АСА Арена”-д болох “Energy party” шоунд оролцохоор болсон.
Тэгвэл DJ Soda буюу Хван Со Хи нь маргааш болох тоглолтдоо оролцохоор өнөөдөр /2025.03.14/ Монголд ирлээ. Түүний хувьд өнгөрсөн зун “АРА Комплекс”-т болсон олон улсын DJ шоунд оролцохоор Монголд ирж байсан юм.
“Energy party” шоуны гол онцлог нь хоёр орны DJ нарын тоглолтоос гадна, Монголын шинэ үеийн R&B, хип хоп уран бүтээлчид, хамтлагийн хамтарсан бүтэн зургаан цагийн шоу тоглолт үзэгчдэд хүрнэ. Мөн зохион байгуулагчдын тодорхойлсноор “Energy Party” шоу нь 2025 оны их хотын хамгийн эхний, хамгийн том электрон хөгжмийн наадам болох юм.
