“Коко” хүүхэлдэйн киноны үргэлжлэлийг бүтээхээр болжээ. Тодруулбал, “Коко 2”-ыг “Пиксар анимейшн” студид бүтээж байгаа гэж “Уолт Дисней” компанийн гүйцэтгэх захирал Боб Игер пүрэв гараг /2025.03.20/-т мэдэгдсэн байна.
Тэрбээр компанийн хувьцаа эзэмшигчдийн хуралд оролцож үг хэлэхдээ “Киног бүтээх ажил дөнгөж эхний шатандаа явж байгаа боловч уг киноны үйл явдал нь инээд хөөр, хайр энэрэл, адал явдлаар дүүрэн өрнөх болно” гэжээ.
Эхний ангийг бүтээхэд оролцсон Америкийн найруулагч Ли Анкрич, Адриан Молина нар дахин нэгдэж, шинэ анги дээр ажиллах ажээ. 2017 онд дэлгэцнээ гарсан “Коко” кинонд хөгжимд дуртай 12 настай Мигель хүүгийн талаар өгүүлдэг бөгөөд тэрбээр гэр бүлийнхээ түүхийн талаар илүү ихийг олж мэдэхийн тулд Үхэгсдийн оронд очдог.
Эхний анги нь дэлхийн кино театруудаас 814 сая ам.долларын орлого олсны сацуу “Оскар”-ын наадмаас шилдэг хүүхэлдэйн кино шагналыг хүртэж, “Remember me” дуу нь шилдэг дууны төрөлд шалгарч байлаа. Түүнчлэн “Алтан бөмбөрцөг”, BAFTA кино наадмаас шилдэг хүүхэлдэйн кин” шагналыг хүртсэн билээ.
“Коко 2” кино 2029 онд нээлтээ хийх төлөвтэй байна.
