Дөрвөн уулынхаа дунд ажиллаж, амьдарч буй нийслэлчүүдийнхээ ажил үйлс, амьдрал ахуйг шашны ном хуран даатгах, цугласан түмэн олондоо ардын сайхан дуу, хуураа эгшиглүүлэх “Хүрээ хөг” шашин, урлагийн дууллыг 2025 оны дөрөвдүгээр сарын 4-ний өдрийн 19:00 цагаас “АСА арена”-д зохион байгуулах гэж байгаа билээ.
Тэгвэл энэхүү гайхалтай шашин урлагийн дууллын тасалбар тун цөөхөн үлдсэн байна. Тодруулбал нэг давхрын суудлууд бүгд зарагдаж дуусчээ. Харин хоёр давхарын тасалбарууд дуусах дөөж байгаа гэдгийг “EventX”-ийн хамт олон хэлж байна. “Хүрээ хөг” шашин урлагийн дууллын шашны номыг Зүүн хүрээ Дашчойлин хийдийн тэргүүн хамба лам, МУСГЗ, Доктор Ч.Дамбажав тэргүүтэй лам нар унших бол, ардын сайхан дуу хуурыг нийслэлийн Улаанбаатар театрын уран бүтээлчид болон СТА Т.Баянжаргал, СТА О.Анхчимэг гоцлон хүргэнэ. Шашны ном хурах, ардын урлаг эгшиглэх “Хүрээ хөг” шашин, урлагийн дууллыг нийслэлийн Соёл, урлагийн газар, Улаанбаатар театр, Зүүн Хүрээ Дашчойлин хийд хамтран зохион байгуулж байна.
