Хөгжилтэй, сонирхолтой контентууд үзэгчдэд хүргэдэг “Medq” медиа агентлагийг өдгөө залуус андахгүй. Эл агентлагийн жүжигчин Г.Анарыг онцлон танилцуулъя.
Г.Анар СУИС-ийг 2016 онд Төрийн соёрхолт, Урлагийн гавьяат зүтгэлтэн, найруулагч Н..Наранбаатарын удирдлагад хөгжимт театрын жүжигчин мэргэжлээр төгсжээ. 19-хөн настайдаа жүжигчний мэргэжил эзэмшсэн тэрбээр уран бүтээлийн гараагаа “Оюутны байр” ситком цувралын хөгжилтэй, хэрсүү охины дүрд тоглон эхлүүлсэн байна.
Улмаар “Medq” медиа агентлагийг үүсгэн байгуулалцаж, хамгийн анх “Согтуу найз охины 10 төрөл” нэртэй контентоо үзэгчдэд хүргэсэн нь тухайн үедээ цахим орчинд хамгийн олон үзэлттэй бичлэгүүдийн нэг болж байв. Өнөөдрийг хүртэл “Medq” медиа агентлаг 400 гаруй богино хэмжээний контент, “Атаман охин” олон ангит кино, “Зүүдний кафе”, “Шударга луйварчид” зэрэг бүрэн хэмжээний уран сайхны кино бүтээж, Г.Анар гол дүрд нь тоглоод байна.
