Уран бүтээлч Э.Мягмардоржийн “13 ОРД ба ЦЭЦЭГС” үзэсгэлэн Блью Мүүн арт галерейн үзэсгэлэнгийн танхимд 2014.02.18-23-ны хооронд дэлгэгдэж та бүхний оюуны мэлмийг баясгах гэж байна.
Уран бүтээлч анх өөрийн охиныхоо ордны цэцгийг зурсан үеэс ордны тухай судалгаагаа эхэлжээ. Тухайн хүний ордны нийтлэг шинж чанар орд бүрт ээлтэй цэцэг хоёрын хоорондын ялгаа ижил төсөөтэй байдлыг судлан бүтээлээ туурвижээ.
Тэрээр үзэсгэлэнгийнхээ бүтээлийг зурах үедээ тухайн ордонд тохирсон аязыг сонгож сонсон цэцэг бүрийн онцлогийг бодож зуржээ. Цэцэгсийн онцлог, гадаад үзэмж, өнгө аяс бүр тухайн ордны хүний зан чанартай илүү төсөөтэй байгааг ажиглаад тухайн ордны нэгэн танилыг илүү их мэдэрч танин мэддэг хэмээн зураач уран бүтээлээсээ ажигласан нь бас нэгэн дүрслэх урлагийн хүн судлалын нэгэн судалгааны тулгуур буй мэт.
Түүний уран бүтээлч хүний аливаа зүйлсийг ажиглан, бүтээлч сэтгэлгээгээр хандах хандлагаар эрдэмтдийн хүлээн зөвшөөрдөг ба зөвшөөрдөггүй 13 дахь орд ба могойн ордны цэцгийг зурсныг та энэхүү үзэсгэлэнгээс үзэж болно.
Уг үзэсгэлэн 2014 оны 02-р сарын 18-02.23-ны хооронд “Blue moon” арт галерейн үзэсгэлэнгийн танхимд үргэлжлэх бөгөөд дэлгэрэнгүй мэдээллийг 89806021, 88773410 дугаарын утсаар лавлана уу.
www.URLAG.mn
