Өөрийн гэсэн өнгө төрхтэй, оногдсон дүрээ үзэгчдийн сэтгэлд хүртэл бүтээж чаддаг жүжигчдийн нэг бол Г.Эрхэмбаяр.
Г.Эрхэмбаяр 2003 онд “Зохиомж” дээд сургуулийг төгсөж, жүжигчний мэргэжил эзэмшжээ. Уран бүтээл, ажлын гараагаа УДЭТ-аас эхэлж, улмаар “Мөрөөдлийн театр”-ыг үүсгэн байгуулалцаж, өнөөдрийг хүртэл уран бүтээлээ туурвисаар яваа юм.
Тэрбээр “Мөрөөдлийн театр”-ын тайз болон дэлгэцийн уран бүтээлүүдээс гадна “Буруу эргэлт”, “Аз ойрхон”, “Орхидос-2”, “Бүрэн толгой”, “Амьдралд тавтай морил”, “Намрын синдром”, “Ээжийн дайсан”, “Шинэ жилийн адал явдал”, “Зүүдэнд ч оромгүй явдал”, “Танхай тээгч”, “Хожлын нүүдэл”, “Хуримын сюрприз”, “Made in Ulaanbaatar”, “Биелэгдэшгүй төлөвлөгөө”, “Миний эхнэр тагнуулч”, “Зөв алдаа”, “Одод болохын хүслэн”, “Нүдээ аниад төсөөл”, “Барьцаа 007”, “Хөгжилтэй дүр-2”, “Үзэсгэлэнт 12 сар”, “Маш нууц-2: Байтаг Богд”, “Ээжийн дайсан-2”, “Алтан өндөг”, “Бүтэн амьдрал”, “Солонго үүл”, “Карантинд 21 хоног”, “Нууцын нууц”, “Хүний цаана-2” Хуулиас гадуур”, “No rules”, “No rules-2: New world”, “Сүрэг”, “Этгээд”, “Дурсамж 2012”, “Наймаа”, “Хэрмэл жүжигчид”, “Andromeda”, “Homies-2”, “Эрдэнэсийн арал”, “Өмнөдийг зорих замд”, “Дайрлага”, “16 дахь хавар”, “Гулгаа”, “Vivant” зэрэг дотоодын болон олон улсын, бүрэн хэмжээний болон олон ангит уран бүтээлүүдэд гол болон туслах дүрийг чадварлаг бүтээснээр нь эчнээ мэднэ.
Тэгвэл Г.Эрхэмбаяр өнөөдөр /2025.04.18/-өөс “Халуун бороо” уран сайхны киногоор үзэгчидтэй уулзах гэж байна. Монголын гал сөнөөгчдийн эр зориг, хүнлэг сэтгэлийн бодит түүхээс сэдэвлэн бүтээсэн эл кинонд Г.Эрхэмбаяр ахмад Баатар хэмээх дүр бүтээжээ.
