Эрт дээр цагт Эртний Коринфиягийн Коринф хотын залуу бүсгүй Кора дайнд мордох гэж буй хайрт залуугийнхаа лааны гэрэлд туссан сүүдрийг нүүрсээр хүрээлэн зурж, өөртөө хадгалж үлдээсэн талаар домог байдаг. Зуун зуун жилийн дараа эртний Гэрэгийн гүн ухаантан Плини үүнийг уран зургийн эхлэл хэмээн тэмдэглэсэн нь бий. Амьдралын эх болсон эмэгтэй хүн аугаа их урлагийг ч мөн төрүүлсэн ажгуу.
Монголын Урчуудын Эвлэлийн Хорооноос олон улсны эмэгтэйчүүдийн баярын өдөртэй давхцуулан урлагийн ундрага болсон олон олон эмэгтэй уран бүтээлчиддээ зориулан уламжлалт “Эмэгтэй Уран Бүтээлчдийн” үзэсгэлэнгээ зохион байгуулахаар боллоо.
Эмэгтэй уран бүтээлчдийн үе үеийн төлөөлөгчдийн дүрслэх урлагийн олон төрөл жанруудаас бүрдсэн нүд баясгам сэтгэл бадраах энэхүү үзэсгэлэнд та бүхнийг хүрэлцэн ирэхийг урьж байна.
Үзэсгэлэн 2014 оны 3 дугаар сарын 7-17 хүртэл үргэлжилнэ.
Нээлтийн үйл ажиллагаа 2014 оны 3 дугаар сарын 7-ны 16 цагаас МУЭ Арт Галлерейд зохион байгуулагдана.
Дэлгэрэнгүй мэдээлэлийг 11-327474, 88001814 утсаар лавлана уу
www.URLAG.mn
