ШУТИС, ҮТДС-ийн багш, нэхмэл эдлэлийн дизайнер, урлаг судлалын ухааны доктор (Ph.D) Ц.Батсайхан шавь нарын хамт “Гайхамшигт нэхмэл” үзэсгэлэнгээ урлаг сонирхогч, үзэгч олондоо дэлгэн хүргэж байна. Манай улсад анх 2000 онд “Нэхмэл эдлэлийн дизайн” мэргэжлийн анги нээгдэж, одоогоор 9 төгсөлт төгсчээ.
Багш Ц.Батсайхан, түүний шавь нарын уран бүтээлүүд нэхмэл, сүлжмэл, бөс даавуу, эсгий материалуудын гайхамшиг уран зураг, дизайны шийдлүүдээр дамжин олон арга техникээр илэрхийлэгддэг. “Гайхамшигт нэхмэл” үзэсгэлэн нь нэхмэл эдлэлийн дизайнеруудын толилуулж буй анхны үзэсгэлэн бөгөөд материалын дизайныг уран бүтээлд тусгаж, материал тус бүрийн онцлогтой илэрхийллээр бүтээгдсэнээрээ өвөрмөц юм. “Гайхамшигт нэхмэл” үзэсгэлэнгийн бүтээлүүдээс сэтгэлгээний далайц бүхий уран сэтгэмж, материалын шийдлийн давуу, боломжит чанаруудыг мэдэрч болно.
Нэхмэл эдлэлийн дизайнерууд дотоодын болон олон улсад салбарын чанартай уран бүтээлийн болон дизайны чиглэлийн олон үзэсгэлэнд тогтмол оролцсоор иржээ.
Тус үзэсгэлэнд багш Ц.Батсайханы 20 орчим бүтээл мөн үе үеийн төгсөгчдийн төлөөллүүдийн бүтээл хамрагдаж байна.
“Гайхамшигт нэхмэл” үзэсгэлэн 2014.03.15-ны 17.00 цагт Glamour Art Gallery-н үзэсгэлэнгийн танхимд нээгдэнэ. Үзэсгэлэн 2014.05-19-ныг дуустал үргэлжилнэ
www.URLAG.mn
