“Оскар”-ын шагналт жүжигчин Николь Кидман болон кантри урсгалын хөгжимчин Кэйт Урбан нар 19 жилийн хамтын амьдралдаа цэг тавьжээ.
Хэвлэлүүдийн мэдээлснээр, Урбан энэ зуны эхээр гэрээсээ нүүж, хосууд тусдаа амьдрах болсон гэв. Одоогоор тэдний салалтын шалтгаан тодорхойгүй байна.
Өдгөө 58 настай Кидман, 57 настай Урбан нар 2005 онд танилцаж, дараа жил нь Сиднейд хуримласан юм. Тэд АНУ, Австралийн давхар иргэншилтэй бөгөөд дундаасаа хоёр охинтой.
