Өмнөд Солонгосын жүжигчин Сун Е Жин дахин хүүхэдтэй болох эсэх талаарх өөрийн бодлоо илэрхийлжээ.
Тэрбээр саяхан “Celeb Luv Golf” хэмээх нэвтрүүлэгт оролцжээ. Хөтлөгч түүнээс “Та 2022 онд эрүүл саруул хөөрхөн хүүтэй болсон шүү дээ. Одоо бараг гурван нас хүрч байна. Та гайхалтай сайн жүжигчин, сайн ээж хэдий ч бусад эцэг эхчүүдийн л адилаар хүүхэд асрах тал дээр хэцүү зүйлс тулгардаг байх” хэмээн асуухад тэрбээр “Мэдээжийн хэрэг хүүхэд өсгөхөд бэрхшээлтэй зүйлс тулгардаг. Гэхдээ түүний бидэнд авчирдаг аз жаргал бол миний амьдралдаа урьд өмнө нь хэзээ ч мэдэрч байгаагүй аз жаргал байсан. Хоёр дахь хүүхдийн хувьд энэ талаар маш сайн бодох хэрэгтэй гэж бодож байна. Гэхдээ хүүхэд үнэхээр хөөрхөн шүү” гэжээ.
Сун Е Жин болон Хён Бин нар хүүгээ олны нүднээс ихэд нууцалдаг. Олон нийт тэдний хүүг чухам эцэг, эхийнхээ хэнтэй адилхан болохыг ихэд сонирхдог бөгөөд Сун Е Жин эргэн тойрных нь хүмүүс хүүг нь хоёулантай нь төстэй харагддаг гэж ярьдаг тухай дурдсан байна.
Хэдийгээр сайн эхнэр, ээж байх тал дээр анхаарлаа хандуулж байгаа ч Сун Е Жин жүжигчний карьераа орхигдуулахгүй гэжээ. Түүний тоглосон “No Other Choice” кино саяхан нээлтээ хийсэн ба улс даяар нийт 1 сая тасалбар борлуулаад байгаа ажээ.
