Ардын жүжигчин, дэлхийн шилдэг баритон дуучин Э.Амартүвшин агуу хөгжмийн зохиолч Ж.Вердийн “Риголетто” дуурийн гол дүрд 120 дахь удаагаа тогложээ. Тэрбээр 2025 оны аравдугаар сарын 7-нд Италийн алдарт “Ла Скала” театрын тайзнаа “Риголетто” дуурийн гол дүрд дуулсан бөгөөд энэ дуурьд 2025 оны аравдугаар сарын 13, 16, 22, 25, 28-ны өдрүүдэд тоглох гэнэ.
Шилдэг дуурийн дуучин Э.Амартүвшин “Риголетто” дуурийг Монгол, Оросын холбооны улсын Буриад, Герман, Итали, Бельги, Сингапур, Испани, Австрали, Англи зэрэг дэлхийн олон улсын тайзнаа дуулсан байдаг.
Түүний хувьд 2025 оны есдүгээр сард АНУ-ын Сан Франциско дуурийн театрт улирлын тоглолтын нээлтээ хийж, “Риголетто” дуурьт тоглосон бол энэ удаа Италийн алдарт “Ла Скала” театрт “Риголетто” дуурийн гол дүрд тоглож байна.
