АНУ-ын Бруклины “Метрополитан” цагдан хорих төвд ял эдэлж буй реппер Пи Дидди буюу Шон Комбсыг алах оролдлого гарсан тухай TMZ мэдээлэв.
Уран бүтээлчийн дотны найз Шарлуччи Финнигийн хэлснээр өрөөндөө унтаж байсан Дидди хэн нэгэн хоолойд нь хутга тулгахад сэржээ. Халдагчийг шоронгийн харуул зогсоосон байна. Репперийн өмгөөлөгч Брайан Стил энэ талаар шүүх хуралдаан дээр дурдсан нь үйл явдал үнэн болохыг батлав. Хүчин болон түүнтэй ойролцоо гэмт хэрэгт ял шийтгүүлсэн хүмүүс шоронд онцгой эмзэг байдаг гэдгийг репперийн найз тэмдэглээд, Диддигийн аюулгүй байдалд санаа зовж байгаагаа илэрхийлжээ.
Өнгөррсөн есдүгээр сарын 30-нд репперийг бэлгийн гэмт хэрэгт буруутган 11 жилийн хорих ял, 500.000 долларын торгууль ногдуулах хүсэлт прокуророос гаргасан. Хараин аравдугаар сарын 4-нд шүүхээс Пи Диддиг бусдын биеийг үнэлүүлсэн, тус гэмт хэргийг зохион байгуулсан хэмээн үзэж, дөрвөн жил хоёр сарын хорих ял оноосон. АНУ-ын Ерөнхийлөгч Дональд Трамп аравдугаар сарын 7-нд сэтгүүлчидтэй уулзах үеэрээ Пи Дидди түүнээс өршөөл хүссэн тухай мэдэгдсэн юм.
