Жүжигчин Крис Эванс болон түүний эхнэр Альба Баптиста нар анхны хүүхдээ өлгийдөн авч, бүл нэмлээ.
TMZ-ийн мэдээлснээр, “Капитан Америка” киноны од Крис Эванс болон эхнэр Альба Баптиста нар өнгөрсөн амралтын өдрүүдэд шинэ хүүхдээ угтан авсан байна.
Өнгөрсөн зургаадугаар сард, шүтэн бишрэгчид нь тэднийг бүл нэмэх гэж байгаа талаар таамаглаж байжээ. Крис Эванс болон 28 настай Альба Баптиста нар өнгөрсөн онд хоёр удаагийн хурим хийсэн. Тэд Португалид болон Массачусетст хуримласан юм.
Тэдний харилцаа яг хэзээ эхэлснийг тодорхойгүй ч “Warrior Nun” киноны од болон Крис Эванс нар 2022 онд харилцаагаа олон нийтэд ил болгожээ.
