Уран бүтээлч, гэрэл зурагчин Б.Инжинааш бие даасан үзэсгэлэнгээ “Хожимдсон үзвэр” нэртэйгээр Монголын урлагийн зөвлөлийн дэргэдэх “Улаан гэр” галерейд толилуулж байна. Арваннэгдүгээр сарын 4-нийг хүртэл дэлгэх энэхүү үзэсгэлэнд тэрбээр 2008 оноос хойших 17 жилийн хөдөлмөрийн үр шимээр бүтсэн зургуудаа багтаасан аж.
Гэрэл зурагчин Б.Инжинааш нь өнгөрсөн хугацаанд дотоод болон гадаадад хамтарсан үзэсгэлэнгүүд эд оролцож ирсэн хэрнээ бие даасан анхны үзэсгэлэнгээ энэ ондл “Meeting high” нэртэйгээр Токио хотын “OM system” галерейд дэлгэжээ. Тиймдээ ч Улаанбаатар хотноо анх удаа толилуулж буй бие даасан үзэсгэлэнгээ “Хожимдсон үзвэр” хэмээн нэрлэсэн ба цаг хугацааны хувьд хожимдсон ч мөн чанарын хувьд цаг нь ирсэн гэж үзсэний илрэл гэнэ.
Б.Инжинааш нь 2007 онд “Гамма” агентлагийн гэрэл зурагчин болж, Монгол, Япон, Орос, Чехэд хамтарсан үзэсгэлэн гаргаж байсан билээ. Мөн 2016 онд олон улсын гэрэл зургийн “Magnum” агентлагийн тэтгэлгийн төлөө 100-гаад орны 1000 гаруй гэрэл зурагчинтай өрсөлдөн, “Шилдэг 15”-дбагтаж байсан чадварлаг зурагчин юм. Түүний бүтээлүүд “National Geographic”, “Time” зэрэг олон улсын хэвлэлд нийтлэгдэж байв.
Гэрэл зургийг Munkh-Od Ganzorig фэйсбүүк хуудсаас ашиглав.
