Өмнөд Солонгосын “2PM” хамтлагийн гишүүн, дуучин, жүжигчин Уг Тэкён гэрлэх гэж буйгаа зарлалаа. Тэрбээр энэ тухайгаа гар бичвэр бичиж, инстаграм хуудсандаа өнгөрсөн бямба гараг /2025.11.01/-т нийтэлжээ.
View this post on Instagram
Гар бичвэрт “Сайн байцгаана уу. “2PM”-ийн Тэкён байна. Намайг дэмждэг фэнүүддээ өөрийн биеэр энэ мэдээг дуулгахын тулд гараараа захиа бичихээр шийдлээ. “2PM”-д дебют хийснээс хойш 19 жил өнгөрчээ. “Superstar Survival”-нд оролцож байсан балчир 19 настай байхаас минь өнөөдрийг хүртэл та бүгд намайг дэмжиж байсан болохоор л би өдий зэрэгт хүрсэн. Тиймээс энэхүү мэдээг хамгийн түрүүнд та бүхэнд дуулгах нь зөв юм шиг санагдлаа. Би амьдралаа намайг ойлгож, надад итгэдэг хүнтэй өнгөрүүлнэ хэмээн өөртөө амласан. Бид бие биеийнхээ дэргэд байж хамтдаа амьдралын урт замыг туулахаар шийдсэн. Намайг өнөөдөрт хүргэсэн фэнүүддээ чин сэтгэлээсээ талархаж байна. Та бүгдийн хайр, урмын үгсээр өнөөдөрт хүрлээ. Би цаашид ч гэсэн өөрийн хамгийн сайнаараа “2PM”-ийн гишүүн, жүжигчин мөн хувь хүн Тэкёныхоо хувиар та бүгдийн хайр болон итгэлийг эргүүлж төлөх болно оо. Гадаа хүйтэрч байгаа учраас эрүүл мэнддээ анхаараарай. Энэхүү урт захиаг минь уншсанд баярлалаа. Гүнээ хүндэтгэсэн, Уг Тэкён” гэжээ.
Таван жилийн өмнө тэрбээр олны танил бус нэгэн бүсгүйтэй үерхэж буйгаа зарлаж, энэ оны хоёрдугаар сард тэрбээр Эйфелийн цамхгийн өмнө найз бүсгүйдээ гэрлэх санал тавьсан бөгөөд тэд зургаан жил үерхсэний эцэст ийнхүү гэрлэх болсноо зарлаж байна.
