Сүхбаатар аймгийн Эрдэнэцагаан сумын 90 жилийн ойн баяр ирэх долоодугаар сарын 24-нд тохионо. Үүнтэй холбогдуулан нутгийн зөвлөл, орон нутгийн удирдлага, уугуул иргэдийн санаачилгаар түүхт 90 жилийнхээ ойд зориулсан хандивын тоглолтыг зохион байгуулахаар боллоо.
Эрдэнэцагаан сумын хувьд төрт шашины нэрт зүтгэлтэн Егүзэр хутагт Ж.Галсандашийн төрөлх нутаг юм. Хутагтаа сүсэглэж, дээдэлдэг нутгийн ард түмэн энэхүү тоглолтоор дамжуулан Дээрхийн гэгээнтэн 14-р Далай ламын тодруулсан Хутагтын хойд дүрийн айлдварыг сонсох боломжтой.
Энэхүү тоглолтод урилгаар 20 гаруй бүтээлч оролцох аж. Уран бүтээлчдийн дуулах дууны ихэнх шүлгийг Эрдэнэцагаан сумын уугуул яруу найрагчид С.Амартайван, Л. Лутбаяр нар бичжээ.
Тоглолт "UB Palace" -ын концертын их танхимд 4-р сарын 29-ны 19 цагаас ганцхан удаа тоглогдоно.
www.URLAG.mn
