“Forbes” сэтгүүлийн газраас дэлхийн баячуудын чансаагаа шинэчлэн гаргалаа. “Google”-ийн үүсгэн байгуулагч Сергей Брин дэлхийн хамгийн баян хүний чансааны гуравдугаарт бичигдэж эхэлсэн байна. Түүний хөрөнгийг “Forbes” сэтгүүл 245 тэрбум ам.доллар гэж үнэлжээ.
Сүүлийн үед “Google” компани хиймэл оюун ухааны салбарт ахиц гаргаж байгаа болон “Nano Banana” тун амжилттай байгаа нь ийнхүү хөрөнгө нэмэгдэх шалтгаан болжээ.
“Oracle”-ийн хувьцааны үнэ унаснаар Сергей Брин Ларри Эллисоныг даван гарч чадлаа. Гэхдээ тэрбээр Маскаас бараг хоёр дахин бага хөрөнгөтэй байна. “Tesla” компанийн Илон Маск 480,5 тэрбум ам.долларын хөрөнгөтэйгээр дэлхийн хамгийн баян хүний жагсаалтыг тэргүүлсэн хэвээр.
