Жүжигчин И Ши Ён дөнгөж төрсөн нярай хүүхдийнхээ зургийг цахим хуудаснаа нийтэлсэн нь багагүй шүүмжлэл дагуулаад байсан билээ. Учир нь түүнийг нярай хүүхэдтэйгээ яг л тоглоом мэт харьцаж байна хэмээн интернэт хэрэглэгчид үзсэн бөгөөд энэ нь хүүхдээ гацуур модны чимэглэлийн хайрцганд хийсэнтэй холбоотой. Уг шүүмжлэлийн дараа И Ши Ён цахим хуудаснаасаа хүүхдийнхээ зургийг устгасан ч өнгөрсөн сарын 30-ны өдөр дахин шинэ зургууд нийтэлжээ.
Уг зургийнхаа тайлбар хэсэгт жүжигчин бүсгүй “Зул сарын баяр манай гэрт ирлээ. Эцэст нь зургийн сүүлийн хувилбар ирлээ. Бид үүрд хадгалж болох зул сарын ил захидал болон зурагнуудтай боллоо. Маш их баярлалаа” гэжээ.
Түүний энэхүү үйлдэл интернэт орчинд дахин хэлэлцүүлэг өрнүүлж, олон нийтийг хоёр хуваагдахад хүргэжээ.
Жүжигчин бүсгүй өнгөрөгч гуравдугаар сард нөхрөөсөө салж буйгаа зарласан бол долоодугаар сард хоёр дахь хүүхдээ тээж буйгаа зарласан. Нөхрөөсөө салсан хэдий ч хүүхэд тээхээр шийдсэн тэрээр үр шилжүүлэн суулгах замаар хүүхэдтэй болсон бөгөөд нөхрийнхөө зөвшөөрөлгүй эсийг нь ашиглан хүүхэдтэй болсон нь маргаан дэгдээгээд байсан юм. Гэсэн ч хүүхдэдээ эцгийнх нь үүргийг гүйцэтгэх болно гэдгээ мэдэгдсэн билээ.
.jpg)
