Өнөөгийн солонгос киноны сериал телевизүүдээр гарах хамгийн том шалтгаан нь 1990-ээд оны үед “Халтар царайт” кино манай монголчуудыг шуугиулсантай холбоотой. Малтай нэгэн төв орон газар бараадаж, хотынх нь хөдөлгөөнөө зогсоон барин үздэг байсан энэ кино одоо нэгэн телевизээр гарч байгаа. Тухайн үед ийнхүү монголчуудын хуулируулж байсан киноны гол дүрүүдийг сэтгүүлч С.Баярмөнх гэх эрхэм авчирч байсан удаатай. Тэрбээр бараг 20 жилийн өмнөх тэдгээр жүжигчдыг хэрхэн авчирч байсан, тэд хэрхэн аашилж, мөнгө нэхэж байсан талаар нэгэн ярилцлагандаа дурджээ.
Тэрбээр “Би одоо боддог юм. Би ч яасан гэнэн байсан юм, манай ард түмэн ч яасан гэнэн юм бэ дээ гэж боддог. Бид Монголд очно гэсэн хариуг сонсоод л хөөрчихсөн. Тэгээд л нэхий дээл, савхин куртик энэ тэр бэлэглээд болчихно гэж л бодсон. За тэгээд Монголд ирнэ гэдгийг зарлалаа. Өөрсдийнх нь хүсэлтээр хэлснийг нь хийгээд байлаа. Тэгснээ биднийг очно гэж яг зарласан уу гэлээ. Сайн зарласан гэж хэлсэн. Гэтэл “За тэгвэл одоо гэрээгээ хийе. Та нар АНУ-ын ийм банк руу 100 мянган ам.доллар шилжүүл” гэсэн. 1995 оны 100 мянган ам.доллар гэдэг ямар чанга буух уу.
Ямар ч гэнэн юм, мөнгөө цуглуулаад шууд явуулчихлаа. За тэгээд Улаанбаатар зочид буудлын хүлээн авалтын билет, стадионы хоёр өдрийн билет л үлдсэн. 1500 төгрөгийн билет шүү дээ. Хэрвээ тэд ирээгүй бол залилангийн хэрэгт орох байсан. Эхлээд Стерлита, Кандилеара хоёр ирнэ гэсэн. Гэтэл Тони та нар миний ирж очихын зардал, байр хоолны мөнгийг даачих. Би очъё” гэсэн. Хөрөнгөтөн орны хүмүүс айхтар байдаг юм билээ.
Ирээд л манайхны сонирхож оволзож байгааг хараад 100 мянган ам.доллар нэхсэн. Бас Тони “Та нар Стерлитад мөнгө өгч байгаа юм чинь надад нэг тоглолтоос 5000 ам.доллар өг” гэлээ. Үзэгчид манай дуучдыг тоохгүй, нөгөө жүжигчдээ нэхээд, шүгэлдээд салахгүй. Нөгөөдүүл нь мөнгөө өг гээд суучихна. Тэгээд ченжийн зах руу гүйгээд л 15 мянган ам.доллар бариад ороод ирэхээр нөгөөдүүл чинь юу ч болоогүй юм шиг “Баярлалаа” гээд л тайзан дээрээ гарна. Дараа нь хүлээн авалтад орлоо. “Билет нь хэд гэж байгаа юм” гэхээр нь 25 ам.доллар гэсэн чинь “За тэгвэл 15 мянган ам.доллар өг” гээд суучихсан.
Сүүлдээ “Мөнгөн аяга”-ын Болдоо уурласан чинь тэд шууд АНУ-ын элчин дуудчихсан. Стерлита тэр үед АНУ-ын иргэн болчихсон, Миамид амьдардаг байсан юм билээ. Элчингээс хүн ирж “Та нар манай иргэний эрхэнд халдаж байна” гэж хэлэнгүүтээ бүх хувцсыг нь авчихсан. Бид бүр айгаад “За за, одоо 20 мянган ам.доллар хэрэгтэй юм уу. Бид аваад очъё” гээд дахиад л нөгөө хэдэн ченж дээрээ очлоо. Монголчууд үнэхээр гэнэн цайлган, итгэмтгий, урлагийн талын хөөрөл ихтэй хүмүүс гэдгийг ёстой нэг ухаарсан даа” хэмээн ярьсан байна.
Эх сурвалж: sensatsimedee.mn
