“It Ends With Us” кинонд хамтран ажилласан найруулагч Жастин Балдони болон жүжигчин Блэйк Лайвли нарын хооронд шүүхийн маргаан өрнөсөөр буй.
Харин саяхан жүжигчин Блэйк Лайвлигийн Тэйлор Свифттэй солилцсон мессеж, Бэн Аффлек руу бичсэн цахим захидлууд нь олон нийтэд задарчээ. Түүнчлэн жүжигчин Жастин Балдонигийн талаар Женни Слейт болон Изабела Феррер нар мэдүүлэгтээ юу гэж ярьсан нь мөн ил болсон байна.
Блэйк Лайвли 2024 онд Жастин Балдониг кинонд хамтран тоглох үеэрээ бэлгийн дарамт үзүүлсэн хэмээн гомдол гаргасан юм. Харин түүний энэ гомдлын хариуд Жастин Балдони түүнийг өөрийнх нь нэр хүндэд халдах зорилготой байсан хэмээн мэдэгдсэн билээ.
Блэйк Лайвли мессеждээ Жастин Балдониг “Тэнэг найруулагч, өөрийгөө зохиолч гэж бодсон алиалагч” гэжээ. Мөн Жастин Балдонигийн гарсан нийтлэлийн талаар Тэйлор Свифт рүү илгээхдээ “Энэ новш ямар нэг юм ирж байгааг мэдээд байгаа бололтой” гэх зэргээр бичсэн байна.
