Эх үрсийн баярыг тохиолдуулан “Blue moon” арт галерейн гишүүн уран бүтээлчид бяцхан хүүхдүүдэд зориулан онцгой өдөрлөг хийхээр зэхжээ. Багачуудын гоо сайхны таашаалыг нэмэгдүүлэх зорилготой “Бидний ертөнц” өдөрлөгийн үеэр мэргэжлийн уран бүтээлчид хүүхдүүдийн нүүрэнд хүссэн үлгэрийн баатрыг нь зурж, уран бичлэгээр нэрийг нь бичиж өгөх бол “Blue moon art boutique” салбарт хүүхдийн өрөөнд зориулсан уран зургийн худалдаа явуулах ажээ.
Өдөрлөг зургадугаар сарын 1-нд “Blue moon” арт галерейд 13.00-18.00 цагийн хооронд болох юм.
