Эмэгтэй хүний уян налархай бие, гоо сайхныг илтгэсэн "Belly dance" бүжгийн төрлөөр ДАШТ-нд бүжигчин Н.Баярмаа монгол хатны бүжгээр FUSHION төрөлд дэлхийн аваргын цомыг хүртсэн байна.
Тэрээр "Belly dance" бүжгийн клубын багшаар ажиллаж, өөрийн гэсэн шавь нарыг бэлтгэдэг юм. БНХАУ-д бэлхүүсний бүжгийн Дэлхийн аварга шалгаруулах тэмцээнд дэлхийн 200 орчим бүжигчин оролцжээ.
Н.Баярмаа уг тэмцээнд “Алтанураг хамтлаг” болон ятгачин н.Мөнх-Эрдэнэ нарын тоглосон аялгуунд, бүжгээрээ Мандухай цэцэн хатны дүрийг илэрхийлжээ. Тэрбээр орчин үеийн бүжгийн төрөлд тэргүүн байрт шалгарч, бэлхүүсний бүжгийн дэлхийн аварга болсон бол уламжлалт бүжгээр шилдэг тавд шалгарсан байна.
www.URLAG.mn
