Поп дива С.Наран Монголд бүү хэл дэлхийд данстай хоолойтой дуучин гэгддэг. Энэ хэрээр Япон, АНУ-д ганцхан удаагийн ч бай томоохон арга хэмжээнүүдийн урилгад дүүрэн дараастай байдаг тэрбээр хөдөлмөрч, бүтээлч, шинэ уран бүтээлийн эрэл хайгуулч нэгэн. Гадны орнуудад амьдардаг, ажилладаг, сурдаг дуучин бүсгүйд тэр бүр хүн мэдээд байдаггүй нэгэн нууц бий нь тэрбээр маш эмзэг арьстай бөгөөд гоо сайхны бүтээгдэхүүнээ өндөр үнээр худалдаж авах биш харин өөрөө хийж хэрэглэдэг гэнэ.
Тэрбээр элдэв үнэрт маш их дуртай бөгөөд төрөл бүрийн савангийн үйлдвэрлэлийг гэртээ эрхэлж, ойр дотныхоо найз нөхдийн арьсны онцлогт тохирсон ганцхан ширхэг саванг өөрийн гараар хийж бэлэглэдэг өвөрмөц хоббитой нэгэн аж. Удахгүй үүнийгээ бизнес болгож, эмзэг арьстай бүсгүйчүүдэд зориулагдсан нүүр угаах саван худалдаанд гаргана гэсэн төлөвлөгөө дуучин С.Наранд байгаа юм билээ.
Дашрамд сонирхуулахад, түүнд хамгийн олон байдаг зүйл бол өөрийн гараар хийсэн саван, мөн нүдний шил гэнэ шүү. Дуучин С.Наран 40 гаруй нүдний шилтэй бөгөөд хар багаасаа л нарны шил зүүдэг, сонирхдог байсан аж. Өдгөө нүдний шил түүний имижийн салшгүй нэг хэсэг болжээ.
Эх сурвалж www.wikimon.mn
