“Алтан хальс” холбооноос 2013 онд амжилттай зохион байгуулсан “Монголын андерграунд” кино уралдаан энэ жил нэрээ өөрчлөн, олон улсын шинж чанартай “Алтан хальс” олон улсын андерграунд кино наадам болон зохиогдож, Монгол уран бүтээлчдийн богино хэмжээний киног долоо хоногийн хугацаатай хүлээж авахад нийт 33 бүтээл ирсэн билээ.
Бусаны кино наадмын дээд шагналт, кино найруулагч С.Бямба, “Алтан хальс” холбоог үүсгэн байгуулагчдын нэг, кино найруулагч Ш.Ихбаяр, зураач Ё.Далх-Очир, зохиолч, яруу найрагч Г.Аюурзана, “Гоодаль” сэтгүүлийн эрхлэгч А.Амармэнд гэсэн бүрэлдэхүүнтэй шүүгчдийн баг ажиллаж, эцсийн дүнгээ танилцуулах гэж байна.
Монголын кино урлагт цочроо өгөх 33 андерграунд бэсрэг кино, дэлхийн шилдэг богино хэмжээний андерграунд бүтээлүүдтэй танилцуулах уг наадам өнөөдөр СУИС-ийн “Оюутан” театрт болох юм. Алтан хальс олон улсын андерграунд кино наадмын үеэр албан ёсны эрхтэйгээр бүрэн хэмжээний нэг, богино хэмжээний дөрвөн гадаадын шилдэг авангард бүтээлийг толилуулах юм. Наадмын шилдгүүдэд “Алтан хальс Гран при”, “Шилдэг хүүрнэлт кино”, “Шилдэг хүүрнэлт бус кино”, “Шилдэг анимаци”, “Шүүгчдийн нэрэмжит шагнал” гэсэн төрлөөр шагнах гэнэ.
Ингээд та бүхэндээ кино наадмын хөтөлбөрийг танилцуулж байна.
11:00 Кино наадмын нээлт
11:20 Нээлтийн кино (Албан ёсны толилуулалт)
Дон Херцфельд – Янзтай сайхан өдөр
12:30 Уралдаант бус хэсгийн бүтээлүүд
12:50 Их завсарлага
13:30 Уралдаант хэсэгт өрсөлдөж буй бүтээлүүд (1-р хэсэг)
15:20 Завсарлага
15:30 Уралдаант хэсэгт өрсөлдөж буй бүтээлүүд (2-р хэсэг)
17:40 Завсарлага
18:00 Дэлхийн шилдэг богино бүтээлүүд (Албан ёсны толилуулалт)
Харун Фароки – Ноцтой тоглоом 1
Ив Хеллер – Крем 21
Кен Жэкобс – Өдөр шөнө
Гаи Мэддин – Дэлхийн зүрх
18:30 Шагнал гардуулах ёслол
20:00 Dreamers' Night – Movie Soundtrack Party
www.URLAG.mn
