Улсын дуурь бүжгийн эрдмийн театрын уран бүтээлчид олон улсын эмэгтэйчүүдийн эрхийг хамгаалах өдрийг тохиолдуулан Г.Доницеттигийн “Дурлалын ундаа” хошин дуурийг ирэх амралтын өдрүүдэд тоглоно. Уг дуурийн зохиол нь инээдтэй, энгийн, хүнд драм, эмгэнэл байхгүй, зөвхөн гялалзсан хошигнол бүхий хайрын түүхээр амталсан хөнгөн инээдмийн байдлаар бичигджээ.
Г. Доницетти “Дурлалын ундаа” дуурийн анхны тоглолтоо 1832 оны тавдугаар сарын 12-нд Милан хотын делла Каноббиани театрт тавьж байжээ. Тухайн үед Доницеттийн гол өрсөлдөгч В.Беллини түүний уран бүтээлд маш өндөр үнэлгээ өгч, хөгжмийг нь төгөлдөр, сайхан, гайхамшигтай гэж магтсан түүхтэй.
“Дурлалын ундаа” дуурийг манай театрын тайзнаа тавихдаа өнөө цагийн үзэгчдийн сэтгэхүй, таашаалд нийцүүлсэн өвөрмөц, шинэлэг тавилтаар 2024 онд үзэгчдийн хүртээл болгосон түүхтэй. Тус дуурийг театрын залуу найруулагч Б.Мэндбаяр найруулан тавьсан юм.
Дэлхийн алдарт дуурийн дуучин Лучиана Паваротти 1973-1998 онуудад Немориногийн дүрд 49 удаа тоглож, 2008-2013 оны хооронд таван улирлын турш дэлхийн хэмжээнд хамгийн олон тоглосон дуурийн Operabase жагсаалтын 13-т бичигдсэн гээд “Дурлалын ундаа” дуурийн түүхүүд их бий.
