Алдарт поп дуучин Бритни Спирс АНУ-ын Калифорни мужид мансуурсан байх үедээ машин жолоодож яваад баривчлагджээ. Тэрбээр гуравдугаар сарын 4-ний лхагва гаргийн орой хар өнгийн BMW машинаараа асар хурдтай явж байгаад 21:30 цагт Калифорни мужийн хурдны замын цагдаа нарт саатуулагдсан байна. Саатуулагдах үедээ тэрээр мансуурсан байсан аж. Түүнийг алкохол юм уу эсвэл хар тамхи хэрэглэсэн гэж сэжиглэн, аль нь болохыг тогтоохоор шинжилгээ авчээ.
Бритни Спирсийг тэр даруй цагдан хорих төвд саатуулж, маргааш нь буюу гуравдугаар сарын 5-ны пүрэв гарагийн өглөө суллаж явуулжээ. Түүнийг баривчлагдсан талаарх мэдээлэл цацагдаж эхлэх үед Бритни Спирс инстаграм хаягаа устгасан байна.
.png)
Бритни Спирсийн хэвлэлийн төлөөлөгч “Энэ бол санамсаргүй явдал байсан. Гэхдээ үүнийг ямар нэг шалтгаар аргацаах арга байхгүй” гэж мэдэгджээ.
Бритни Спирсийн гэм бурууг шүүх хурлыг 5-р сарын 4-нд хийхээр товложээ. Поп од Бритни хамгийн сүүлд 2024 оны 1-р сард “Хөгжмийн салбарт хэзээ ч эргэж ирэхгүй” хэмээн мэдэгдэж байв. Тэрбээр хамгийн сүүлд 2022 онд Элтон Жонтой хамтарч дуу хийснээсээ хойш нэг ч дуу туурвиагүй аж. Мөн сарын өмнө Бритни Спирс бүх дууныхаа эрхийг 400 сая ам.доллароор зарж байлаа.
