Өндөр улаан авсанд
Үзэсгэлэнт бүсгүй хэвтэнэ
Үзэмжит сар шиг царайг нь
Өнгийн цэцэг чимнэ
Сүүлчийн үнэсэлт хүсэх мэт
Сүмбэн хуруусаа нугалсхийж
Цас шиг цагаан гар нь
Чадал тамиргүй унжина
Гал халуун дурлал шиг
Час улаан даавуун дээр
Хасын цагаан хөл нь
Хагацал адил зурайна
Сүүлчийн замд нь үдэгсэд
Сүрэг турлиах шиг бөртөлзөж
Сүнс сүлдээ алдсан
Сүүдэр шиг хөвөрнө
Харин тэдний дунд
Хүлээсэн хайрт нь алга
Сайхан нүднээсээ нулимс дусааж
Сарнай цэцэг барьж ирсэнгүй
Үхсэнийг нь ч мэдсэнгүй
Үгүйлж хойноос нь гансарсангүй
Өөр нэгэн бүсгүйн
Өтгөн үсийг үнэртэж
Өндөр сэргэр хөхөнд нь
Өнөөх гараа тавиад
Сайхан зүүдэнд автан
Санаа амар унтаж байна
www.URLAG.mn
